ജി.എസ്.ടിയില്‍ വീണ്ടും ഇളവ്; ഇരുനൂറോളം ഇനങ്ങളുടെ നികുതി കുറച്ചു

നിത്യോപയോഗ സാധനങ്ങളുടെ നികുതി നിരക്ക് കുറയ്ക്കാന്‍ ചരക്ക് സേവന നികുതി (ജി.എസ്.ടി) കൗണ്‍സില്‍ യോഗത്തില്‍ തീരുമാനം. ഇന്ന് ഗുവാഹത്തിയില്‍ ചേര്‍ന്ന യോഗത്തിലാണ് തീരുമാനം. പ്ലാസ്റ്റിക് ഉത്പന്നങ്ങള്‍, കൈകൊണ്ട് നിര്‍മ്മിക്കുന്ന ഫര്‍ണിച്ചര്‍, നോണ്‍ എ.സി റെസ്‌റ്റോറന്റിലെ ഭക്ഷണം, ഷാംപൂ, ഷേവിംഗ് ക്രീം, ചോക്‌ലേറ്റ് എന്നിവയ്ക്ക് നികുതി ഇളവ് നല്‍കി. പുതിയ ഇളവുകള്‍ സര്‍ക്കാരിന് 20,000 കോടി രൂപയുടെ നഷ്ടമാണ് ഉണ്ടാക്കുന്നത്.

28% നികുതി എന്നതില്‍ പല സംസ്ഥാന ധനമന്ത്രിമാരും വിയോജിപ്പ് അറിയിച്ചിരുന്നു. ഇതേതുടര്‍ന്ന് നിത്യോപയോഗ സാധനങ്ങളുടെ നികുതി നിരക്ക് 18% ആയി കുറയ്ക്കാന്‍ യോഗത്തില്‍ ധാരണയിലെത്തുകയായിരുന്നു.