മന്ത്രിമാരുടെ വിട്ടു നില്‍ക്കല്‍: സിപിഐ-സിപിഎം പോര് മുറുകുന്നു

മന്ത്രിസഭാ യോഗത്തില്‍ നിന്നും മന്ത്രിമാര്‍ വിട്ടു നിന്ന് എല്‍ഡിഎഫിന് ശക്തമായ പ്രതിസന്ധിയുണ്ടാക്കിയ സാഹചര്യത്തെ ചൊല്ലി സിപിഎം - സിപിഐ പോരു മുറുകുന്നു. അസാധാരണ നടപടി അസാധാരണ സാഹചര്യത്തിലാണ് എടുക്കേണ്ടി വന്നതെന്ന സിപിഐ സംസ്ഥാന സെക്രട്ടറി കാനം രാജേന്ദ്രന്റെ വാദത്തിന് മറുപടിയുമായി ദേശാഭിമാനി. ഇത് അസാധാരണ നടപടി തന്നെ എന്ന തലക്കെട്ടോട് കൂടിയ മുഖപ്രസംഗത്തിലാണ് സിപിഐയ്ക്ക് മറുപടിയുമായി സിപിഎം രംഗത്ത് വന്നത്.

അതേസമയം ഇന്നലത്തെ എഡിറ്റോറിയലിന്റെ തുടര്‍ച്ചയെന്ന നിലയില്‍ സ്വന്തം നിലപാടിനെ ജനയുഗത്തിലൂടെ സിപിഐ ഇന്നും ന്യായീകരിച്ചിട്ടുണ്ട്. ഒരേ മുന്നണിയിലെ ഇരു പാര്‍ട്ടികളും തമ്മിലുള്ള ബന്ധത്തിന് തോമസ്ചാണ്ടിയും സിപിഐ മന്ത്രിമാരുടെ വിട്ടുനില്‍ക്കലും കാര്യമായ വിള്ളല്‍ തന്നെ ഉണ്ടാക്കിയിട്ടുണ്ടെന്നാണ് സൂചന.