‘ കേരളത്തിലെ മുഖ്യമന്ത്രിയും വനിതാ മന്ത്രിമാരും നിർമലാ സീതാരാനെ കണ്ട് പഠിക്കണം’: കെ സുരേന്ദ്രൻ

കേരളത്തിലെ വനിത മന്ത്രിമാർക്ക് അഹങ്കാരമാണെന്ന് ബിജെപി നേതാവ് കെ സുരേന്ദ്രൻ. അദ്ദേഹം തന്റെ ഫേസ്ബുക്കിലൂടെയാണ് ഇത് പറഞ്ഞത്. ഓഖി ദുരന്തത്തിന്റെ പശ്ചാത്തലത്തിൽ കേരളത്തിലെത്തിയ കേന്ദ്രമന്ത്രി നിർമലാ സീതാരാമന്റെ അതീവ വിനയത്തോടെയുള്ള പെരുമാറ്റം മുഖ്യമന്ത്രി പിണറായി വിജയൻ കണ്ടു പടിക്കണമെന്ന് അദ്ദേഹം തന്റെ ഫേസ്ബുക്കിലൂടെ പറഞ്ഞു.

എന്തൊരു കാര്യഗൗരവം, എത്ര ശുഷ്കാന്തി, അങ്ങേയററം കണിശതയോടെയുള്ള നടപടികൾ.... എന്നാൽ ഒട്ടും അഹങ്കാരമില്ലാതെ അതീവ വിനയത്തോടെയുള്ള പെരുമാററവും. കണ്ടുപഠിക്കണം ശ്രീ പിണറായി വിജയൻ നിർമ്മലാ സീതാരാമനേയും സുഷമാ സ്വരാജിനേയുമൊക്കെ. അതുകൊണ്ടാണ് രോഷാകുലരായ ജനക്കൂട്ടം പോലും സഹിഷ്ണുതയോടെ പെരുമാറുന്നത്. താങ്കളെപ്പോലെ തന്നെയാണ് താങ്കളുടെ വനിതാ മന്ത്രിമാരും. മേഴ്സിക്കുട്ടിയമ്മയുടേയും മററും അഹങ്കാരവും ധാർഷ്ട്യവും കാണുന്പോൾ പറയാതിരിക്കാൻ വയ്യ.