മോദിയുടെ പ്രസ്താവന പച്ചക്കള്ളം ; മോദി മാപ്പ് പറയണമെന്ന് മ​ൻ​മോ​ഹ​ൻ സിം​ഗ്

ഗു​ജ​റാ​ത്ത് നി​യ​മ​സ​ഭാ തെ​ര​ഞ്ഞെ​ടു​പ്പി​ൽ പാ​കിസ്ഥാ​ൻ ഇ​ട​പെ​ട​ൽ നടന്നുവെന്ന് ആരോപിച്ച പ്ര​ധാ​ന​മ​ന്ത്രി ന​രേ​ന്ദ്ര മോ​ദി​ക്കെ​തി​രേ മു​ൻ പ്ര​ധാ​ന​മ​ന്ത്രി മ​ൻ​മോ​ഹ​ൻ സിം​ഗ് രം​ഗ​ത്ത്. മോദിയുടെ പ്രസ്താവന പച്ചക്കള്ളവും വ്യാജനിർമിതിയുമാണ്. അസത്യം പ്രചരിപ്പിക്കുന്നത് അദ്ദേഹം അവസാനിപ്പിക്കണം. താൻ വഹിക്കുന്ന പദവിയുടെ മഹത്വത്തെക്കുറിച്ച് മോദി മനസിലാക്കണമെന്നും അദ്ദേഹം വ്യക്തമാക്കി.

രാ​ഷ്ട്രീ​യ നേ​ട്ട​ങ്ങ​ൾ​ക്കു​വേ​ണ്ടി പ്ര​ധാ​ന​മ​ന്ത്രി സ്ഥാ​ന​ത്തി​രു​ന്നു​കൊ​ണ്ട് ന​രേ​ന്ദ്ര മോ​ദി ന​ട​ത്തു​ന്ന പ​രാ​മ​ർ​ശ​ങ്ങ​ൾ വേ​ദ​നി​പ്പിക്കുന്നു. ​ഗു​ജ​റാ​ത്ത് നി​യ​മ​സ​ഭാ തെ​ര​ഞ്ഞെ​ടു​പ്പി​ൽ തോല്‍‌ക്കുമെന്ന ഭയം മൂലമാകാം അദ്ദേഹം അസത്യം പറയുന്നത്. വിവേകത്തോടെ പെരുമാറാന്‍ അദ്ദേഹം ശ്രമിക്കണം. മുൻ പ്രധാനമന്ത്രി, ഉപരാഷ്ട്രപതി, സൈനിക മേധാവി തുടങ്ങിയവരെ അവഹേളിക്കാനുള്ള ശ്രമമാണ് മോദിയിൽ നിന്നുണ്ടായതെന്നും മ​ൻ​മോ​ഹ​ൻ സിം​ഗ് പറഞ്ഞു. പ്രധാനമന്ത്രിയുടെ ഓഫിസിന്റെ മഹത്വം കാത്തുസൂക്ഷിക്കാൻ വേണ്ടിയെങ്കിലും തെറ്റുകള്‍ തിരിച്ചറിഞ്ഞ് മോദി രാജ്യത്തോടു മാപ്പു പറയണം.