കുൽഭൂഷണിന്റെ ഭാര്യയുടെ ചെരുപ്പ് ഊരിമാറ്റിയത് സുരക്ഷയുടെ ഭാഗമായിട്ടാണെന്ന് പാകിസ്ഥാൻ

ഇന്ത്യൻ ചാരനെന്ന് ആരോപിക്കപ്പെട്ട് പാകിസ്ഥാൻ ജയിലിൽ വധശിക്ഷയ്ക്ക് വിധിക്കപ്പെട്ട് കഴിയുന്ന കുൽഭൂഷൺ ജാദവിന്റെ അമ്മയേയും ഭാര്യയേയും അപമാനിച്ച സംഭവത്തിൽ ന്യായീകരണവുമായി പാകിസ്ഥാൻ. കുൽഭൂഷണിന്റെ ഭാര്യയുടെ ചെരുപ്പ് ഊരിമാറ്റിയത് സുരക്ഷയുടെ ഭാഗമായിട്ടാണെന്ന് പാകിസ്ഥാൻ .

കുൽഭൂഷണിന്റെ ഭാര്യ ചേതനയുടെ ചെരുപ്പിനുള്ളിൽ സംശയകരമായി എന്തോ ഉണ്ടായിരുന്നു. കൂടാതെ അവരുടെ ആഭരണങ്ങള്‍ തിരികെ നൽകിയപ്പോൾ പുതിയ ചെരിപ്പുകളും അവർക്കു നൽകിയിരുന്നു എന്ന് പാകിസ്ഥാൻ വിദേശകാര്യ വക്താവ് ഡോ.മുഹമ്മദ് ഫൈസൽ പറഞ്ഞു. വിഷയത്തിൽ നേരത്തേ പ്രതികരണവുമായി ബിജെപി മുതിർന്ന നേതാവ് സുബ്രഹ്മണ്യൻ സ്വാമി രംഗത്തെത്തിയിരുന്നു.