ഗോരക്ഷയുടെ പേ​രി​ൽ കൊലപാതകം: ബിജെപി നേതാവ് ഉൾപ്പെടെ 11 പേർക്കും ജീവപര്യന്തം

ഗോരക്ഷയുടെ പേ​രി​ൽ ജാ​ർ​ഖ​ണ്ഡി​ൽ ന​ട​ന്ന കൊ​ല​പാ​ത​ക​ത്തി​ൽ ബിജെപി പ്രാദേശിക നേതാവ് ഉള്‍പ്പെടെയുള്ള 11 പേർക്കും ജീവപര്യന്തം. ജാർഖണ്ഡിലെ ഫാസ്റ്റ് ട്രാക്ക് കോടതിയുടേതാണു വിധി. പതിനൊന്നു പേരിൽ മൂന്നു പേർക്കെതിരെ ഗുഢാലോചനക്കുറ്റം സംശയാതീതമായി തെളിഞ്ഞതായി റാംഗാർഡ് കോടതി കണ്ടെത്തി.

ബിജെപി നേതാവ് നിത്യാനന്ദ് മഹാതോ അടക്കമുള്ളവര്‍ക്കാണ് കോടതി ജീവപര്യന്തം വിധിച്ചത്. പ​ശു​സം​ര​ക്ഷ​ക കൊ​ല​പാ​ത​ക​ങ്ങ​ളി​ൽ രാ​ജ്യ​ത്തെ ആ​ദ്യ​ത്തെ കോ​ട​തി വി​ധി​യാ​ണ് ഇ​ത്. ബീഫ് കൈവശംവച്ചുവെന്നാരോപിച്ച് ജാർഖണ്ഡിൽ അലിമുദീൻ അൻസാരിയെന്ന യുവാവിനെയാണ് ഗോരക്ഷയുടെ പേരില്‍ നിത്യാനന്ദ് മഹാതോ ഉള്‍പ്പെടയുള്ള സംഘം മര്‍ദ്ദിച്ചു കൊന്നത്.