തള്ളില്‍ മോദിയ്ക്ക് എ പ്ലസ്,രാഹുലിന്റെ കണക്കില്‍ മോദിയ്ക്ക് മൊത്തം എഫ് പ്ലസ്

ന്യൂഡല്‍ഹി:സ്വയം പുകഴ്ത്തലില്‍ മോദിയ്ക്ക് എപ്ലസ് നല്‍കി കോണ്‍ഗ്രസ് അധ്യക്ഷന്‍ രാഹുല്‍ ഗാന്ധി.എന്നാല്‍ നാലാം വര്‍ഷത്തില്‍ രാഹുല്‍ ആകെ മോദിയ്ക്കു നല്‍കിയ ഗ്രേഡ് എഫ് പ്ലസ്.ട്വിറ്ററിലൂടെയാണ് പ്രധാനമന്ത്രി നരേന്ദ്രമോദിയെ രാഹുല്‍ കണക്കറ്റ് പരിഹസിച്ചിരിക്കുന്നത്‌ ഭരണകാര്യങ്ങളില് ദയനീയ പ്രകടനം കാഴ്ചവെച്ച മോദി, സ്വയം പുകഴ്ത്തലിനും മുദ്രാവാക്യങ്ങള് നിര്മിക്കുന്നതിലും മാത്രമാണ് മെച്ചമെന്ന് ട്വിറ്ററില് കളിയാക്കി. വാര്ഷികത്തോടനുബന്ധിച്ച് പ്രധാനമന്ത്രിക്ക് നല്കിയ 'പ്രോഗ്രസ് റിപ്പോര്ട്ടി'ല് തൊഴിലവസരം സൃഷ്ടിക്കല്, കാര്ഷിക രംഗം, വിദേശനയം, ഇന്ധനവില നിയന്ത്രിക്കല് എന്നീ വിഷയങ്ങളില് ഏറ്റവും കുറഞ്ഞ 'എഫ്' ഗ്രേഡ് നല്കിയപ്പോള് സ്വയം പുകഴ്ത്തല്, മുദ്രാവാക്യങ്ങള് നിര്മിക്കല് എന്നീ വിഷയങ്ങളില് എ പ്ലസ് നല്കി. അതേസമയം, യോഗക്ക് ബി-മൈനസ് ആണ്. മറ്റുള്ളവരെ കാര്യങ്ങള് ധരിപ്പിക്കുന്നതില് വിദഗ്ധനാണെങ്കിലും ബുദ്ധിമുട്ടുള്ള വിഷയങ്ങള് കൈകാര്യം ചെയ്യാന് കഴിവില്ലാത്തയാളാണെന്നും അശ്രദ്ധയുള്ളയാളാണെന്നും 'റിപ്പോര്ട്ടി'ലെ അഭിപ്രായം രേഖപ്പെടുത്തേണ്ട കോളത്തില് എഴുതിയിരിക്കുന്നു. കേന്ദ്ര സര്ക്കാറിന്റെ നാലാം വാര്ഷികം വഞ്ചനാദിനമായാണ് കോണ്ഗ്രസ് ആചരിക്കുന്നത്.