പത്തംതിട്ടയില്‍ സുരേന്ദ്രന് ജയ് വിളിക്കാന്‍ കോണ്‍ഗ്രസ്

  പത്തനംതിട്ട : ആന്റോ ആന്റണിയെ വെട്ടാന്‍ ഒരു വിഭാംഗം കോണ്‍ഗ്രസുകാര്‍ ബി ജെ പി ക്കൊപ്പം . പത്തനംതിട്ടയില്‍ സീറ്റ് നിര്‍ണ്ണയം മുതല്‍ അന്റോയെക്കെതിരെ ഉയര്‍ന്ന പ്രതിഷേധമാണ് പുതിയ തലത്തിലേക്ക് നീങ്ങിയിരിക്കുന്നത്. ആറന്‍മുള , മല്ലപ്പള്ളി മേഖലയിലെ കോണ്‍ഗ്രസ് നേതാക്കളാണ് ഇതിന് ചുക്കാന്‍ പിടിക്കുന്നത്ണ കോന്നി മണ്ഡലത്തില്‍ പ്രവര്‍ത്തനത്തില്‍ നിന്ന് പാടെ പിന്‍വാങ്ങിയിരിക്കുകയാണ് കോണ്‍ഗഞ്ഞരസ്. ഇക്കാര്യം ആദ്യം ഉയര്‍ന്നപ്പോള്‍ അങ്ങനെ ഒന്നില്ലന്ന നിലപാടിലായിരുന്നു മുതിര്‍ന്ന നേതാക്കള്‍. എന്നാല്‍ കോണ്‍ഗ്രസ് ബ്ലോക്ക് വൈസ് പ്രസിഡന്റിന്റെ വീട്ടില്‍ ബിജെ പി പത്തനംതിട്ട മണ്ഡലം സ്ഥാനാര്‍ത്ഥി കെ സുരേന്ദ്രന് എത്തിയതിന്റെ ചിത്രങ്ങള്‍ പുറത്തുവന്നതോടെ പ്രതിരോധത്തിലായിരിക്കുകയാണ് ഇവര്‍. മല്ലപ്പള്ളിയില്‍ ബിജപി പ്രവര്‍ത്തകര്‍ നല്‍കിയ സ്വീകരണത്തിനു ശേഷമാണ് പ്രവര്‍ത്തകരെ ഒഴിവാക്കി ആര്‍എസ്എസ്, ബിജെപി പ്രാദേശിക നേതാക്കളെ മാത്രം ഒപ്പം കൂട്ടി സുരേന്ദ്രന്‍ കോണ്‍ഗ്രസ് ബ്ലോക്ക് വൈസ് പ്രസിഡന്റ് ടി പി ഗിരീഷിന്റെ വീട്ടിലെത്തിയത്. ഇരുവരും നേരത്തെ ആസൂത്രണം ചെയ്ത് സന്ദര്‍ശനമെന്ന് വ്യക്തം. ഏകദേശം 20 മിനിറ്റോളം ഇവര്‍ ചര്‍ച്ച നടത്തി. ഇത് അംഗീകരിക്കാനാകില്ലെന്ന് ഇരു പാര്‍ട്ടിയിലെയും പ്രവര്‍ത്തകര്‍ അഭിപ്രായപ്പെടുന്നു. സുരേന്ദ്രനോാെപ്പം ബിജെപി മല്ലപ്പള്ളി പഞ്ചായത്ത് പ്രസിഡന്റ് അനില്‍കുമാറും ഉണ്ടായിരുന്നു.