ഇന്ത്യയില്‍ രോഗികള്‍ 20 ലക്ഷത്തിലേക്ക്

അടുത്തമാസം ആദ്യത്തോടെ രാജ്യത്തെ ആദ്യവാരം കോവിഡ് ബാധിതര്‍ 20 ലക്ഷം കടക്കും. ഇന്ത്യയിൽ 20.6 ദിവസംകൊണ്ട്‌ രോഗം ഇരട്ടിക്കുന്നു. ​ദിവസേനയുള്ള രോ​ഗികളുടെ എണ്ണം ആദ്യമായി 35,000 കടന്നു, മരണം 700ന്‌ അടുത്ത്. സംസ്ഥാനങ്ങളിൽനിന്നുള്ള റിപ്പോർട്ട് പ്രകാരം വ്യാഴാഴ്‌ച 35,468 രോ​ഗികള്‍, 687 മരണം. ● കേന്ദ്രസർക്കാർ കണക്കുപ്രകാരം 24 മണിക്കൂറില്‍ 34956 രോ​ഗികള്‍‌. രോ​ഗമുക്തരായത് 22,942 പേര്‍. 3.47 ലക്ഷം പേർ ചികിത്സയില്‍‌. ഭേദമായത് 6.35 ലക്ഷം പേര്‍ക്ക്‌. രോഗമുക്തി നിരക്ക്‌ 63.33 ശതമാനം‌. ● രോ​ഗനിരക്ക് 10 ലക്ഷം പേരിൽ 724.4 എന്ന നിലയില്‍‌. മരണനിരക്ക്10 ലക്ഷം പേരിൽ 18.6 എന്ന തോതില്‍‌. ● 80 ശതമാനം രോഗികളും വീടുകളിൽ നിരീക്ഷണത്തിൽ. 1.94 ശതമാനം‌ ഐസിയുവില്‍‌. 0.35 ശതമാനം പേർ വെന്റിലേറ്ററിൽ. 2.81 ശതമാനം പേർ ഓക്‌സിജൻ കിടക്കകളിൽ. ● ജൂലൈ 15ലെ കണക്കുപ്രകാരം ചികിത്സയിലുള്ളവരിൽ 52.7 ശതമാനം 10 നഗരത്തില്‍‌. ഏറ്റവും കൂടുതൽ രോഗികൾ താനെയില്‍–- 34721. ഹൈദരാബാദ്‌–- 28783, പുണെ–- 25510, മുംബൈ–- 22888, ഡൽഹി–- 17807, ബംഗളൂരു–- 17049, ചെന്നൈ–- 15610, കൊൽക്കത്ത–- 4304, ഗുവാഹത്തി–- 4220, അഹമ്മദാബാദ്‌–- 3633 രോഗികൾ 10.36 ലക്ഷം രാജ്യത്ത്‌ കോവിഡ്‌ രോഗികളുടെ എണ്ണം 10, 36,751. വെള്ളിയാഴ്‌ച രാത്രിവരെയുള്ള കണക്കനുസരിച്ച്‌ 31,000ലേറെപ്പേർക്ക്‌ പുതുതായി രോഗം സ്ഥിരീകരിച്ചു. ആകെ മരണം 26,269. മഹാരാഷ്‌ട്രയിൽ 8,308 പേർക്കും തമിഴ്‌നാട്ടിൽ 4500 പേർക്കും പുതുതായി രോഗം സ്ഥിരീകരിച്ചു. മഹാരാഷ്‌ട്രയിൽ ആകെ രോഗികൾ 2,92,589 ഉം മരണം 11,452 ഉം ആയി. തമിഴ്‌നാട്ടിൽ 1,60,907 രോഗികളും 2315 മരണവും. ഡൽഹിയിൽ ആകെ 1.20,107 രോഗികളും 3571 മരണവുമായി. കർണാടകത്തിൽ ആകെരോഗികൾ 55,115 ഉം മരണം 1152ഉം ആയി. 100 പരിശോധനയില്‍ 10 രോ​ഗി രാജ്യത്തെ കോവിഡ്‌ പോസിറ്റിവിറ്റി നിരക്ക്‌ (പരിശോധിക്കപ്പെടുന്ന സാമ്പിളുകളിൽ സ്ഥിരീകരിക്കപ്പെടുന്ന കേസുകൾ) ഇതാദ്യമായി 10 ശതമാനത്തിലെത്തി. പരിശോധിക്കപ്പെടുന്ന ഓരോ 100 സാമ്പിളിലും 10 പേര്‍ക്ക് രോ​ഗം. ജൂലൈ രണ്ടുമുതൽ 15 വരെയുള്ള കാലയളവിലാണിത്. ജൂൺ അഞ്ചുമുതൽ 18 വരെ നിരക്ക്‌ 7.77 ശതമാനവും ജൂൺ 19 മുതൽ ജൂലൈ രണ്ടുവരെ 8.63 ശതമാനവുമാണ്‌. മെയ്‌ ഏഴ്‌ മുതൽ 21 വരെ വെറും അഞ്ച്‌ ശതമാനമായിരുന്ന നിരക്കാണ് ഇപ്പോള്‍ ഇരട്ടിയായത്‌. ലോകാരോഗ്യ സംഘടനയുടെ മാനദണ്ഡ പ്രകാരം പോസിറ്റിവിറ്റി നിരക്ക്‌ അഞ്ചിനു മേലെയാകുന്നത്‌ ആശങ്കാജനകമാണ്.കേരളത്തിൽ 4 ശതമാനത്തിൽ താഴെ. രോഗഗവ്യാപനം തീവ്രമാകുന്നതിന്റെ സൂചനയാണിത് നല്‍കുന്നത്. ഈ സാഹചര്യത്തില്‍ പരിശോധനയുടെ എണ്ണം കൂട്ടണം.വ്യാഴാഴ്‌ച 3.33 ലക്ഷം പരിശോധന നടത്തി. ഇതിൽ 35,468 സാമ്പിള്‍ പോസിറ്റീവായി. 10 ശതമാനത്തിനു മേലെയാണ്‌ പോസിറ്റിവിറ്റി നിരക്ക്‌. കേരളത്തിൽ വ്യാഴാഴ്‌ച 18,555 സാമ്പിള്‍ പരിശോധിച്ചതിൽ 722 പോസിറ്റീവ്. നാല്‌ ശതമാനത്തിൽ താഴെയാണ്‌ പോസിറ്റിവിറ്റി നിരക്ക്‌.