ഏതു വെല്ലുവിളികള്‍ നേരിടാനും സജ്ജം

ന്യൂഡല്‍ഹി: ഇന്ത്യയുടെ ആരോഗ്യരംഗം ഏതു വെല്ലുവിളികള്‍ നേരിടാനും സജ്ജമാണെന്ന് പ്രധാനമന്ത്രി നരേന്ദ്ര മോദി. ദ്രുതഗതിയിലാണ് ഇന്ത്യയുടെ ആരോഗ്യരംഗം വളരുന്നതെന്നും യുഎസ്-ഇന്ത്യ ബിസിനസ് കൗണ്‍സില്‍ സംഘടിപ്പിച്ച ഇന്ത്യ ഐഡിയാസ് ഉച്ചകോടിയില്‍ സംസാരിക്കവെ പ്രധാനമന്ത്രി പറഞ്ഞു.ഓരോ വര്‍ഷവും രാജ്യത്തിന്റെ ആരോഗ്യമേഖലയില്‍ 22 ശതമാനത്തിന്റെ വര്‍ധനയാണ് ഉണ്ടാകുന്നത്. ഇന്ത്യയില്‍ ആരോഗ്യം, കാര്‍ഷികം, ഊര്‍ജ മേഖലകളില്‍ നിക്ഷേപത്തിന് നല്ല സമയമാണിത്. വികസന അജണ്ടകള്‍ പാവപ്പെട്ടവര്‍ക്കും പാര്‍ശ്വവല്‍ക്കരിക്കപ്പെട്ടവര്‍ക്കും കൂടിയാകണമെന്നും പ്രധാനമന്ത്രി ആവശ്യപ്പെട്ടു.