ഉന്നതര്‍ ആര് പ്രതിപക്ഷത്തിന് ചങ്കിടിപ്പ്

  തിരുവനന്തപുരം സ്വര്‍ണകടത്ത് കേസ് ആദ്യ റൗണ്ട് പിന്നിട്ടതോടെ അത് ആയുധമാക്കി സര്‍ക്കാരിനെതിെ തിരിഞ്ഞവര്‍ക്കും ആശങ്ക. ഇതുവരെ കേസിന്റെ ഒരു ഘട്ടത്തിലും സി പി എമ്മിന്റെയോ ഇടതുമുന്നണിയുടെയോ നേതാക്കളോ പ്രവര്‍ത്തകരോ കുടുങ്ങിയിട്ടില്ല എന്നതാണ് ഇവരെ വലയ്ക്കുന്നത്. എ ഐ എ ഉദ്ധരിച്ച് പുറത്തുവരുന്ന വാര്‍ത്തകളില്‍ ഉന്നതര്‍ ഉണ്ടെന്ന് സൂചനയും വന്നു കഴിഞ്ഞു. അറസ്റ്റിലായവര്‍ പല രീതിയിലും യു ഡി എഫ് നേതാക്കളുംമായും ആ മുന്നണിയിലെ പാര്‍ട്ടികളുമായി ബന്ധുള്ളവരാണ് എന്നുള്ളതാണ് ആശങ്കയ്ക്ക് കാരണം. മാധ്യമങ്ങള്‍ ആദ്യം പ്ര്തിസ്ഥാനത്ത് സംശയിച്ച ശിവശങ്കര്‍ ഐ ഐ എസ് എന്ന ഉദ്യോഗസ്ഥനെക്കുറിച്ച് അന്വേഷണ ഏജന്‍സി നല്‍കിയ രണ്ട് റിമാന്റ് റിപ്പോര്‍ട്ടിലും ഒരു സംശയത്തിന്റെ സൂചനപോലുമില്ല. അതുമാത്രമല്ല സ്വപന എന്ന കണ്‍സള്‍ട്ടന്‍സി ജീവനക്കാരിക്ക് അപ്പുറം മറ്റൊരു രാഷ്ട്രീയ നിയമങ്ങളും ഈ കേസുമായി ബന്ധിപ്പിക്കാനും ഇതുവരെ കഴിഞ്ഞിട്ടുമില്ല . പകരം ഇന്ന്‌കേരളത്തിലേക്ക് എത്തിക്കുന്ന ഫൈസര്‍ ഫരീദ് അടക്കം പല പ്രധാനികള്‍ക്കും ലീഗ് ബന്ധം ഉണ്ടന്ന് പുറത്തുവന്നികഴിഞ്ഞു. തിടുക്കം കൂട്ടാതെ അന്വേഷിക്കുക എന്നതാണു എന്‍ഐഎ ഉള്‍പ്പെടെ കേന്ദ്ര ഏജന്‍സികളുടെ രീതി. സംസ്ഥാന സര്‍ക്കാരും അന്വേഷണഗതി സസൂക്ഷ്മം വീക്ഷിക്കുകയാണ്. കസ്റ്റംസിനും എന്‍ഐഎക്കും പുറമേ എന്‍ഫോഴ്‌സ്‌മെന്റ് ഡയറക്ടറേറ്റും (ഇഡി) കേസില്‍ ഇടപെടുന്നുണ്ട്. റോയും ഐബിയും പ്രതികളെ പലവട്ടം ചോദ്യം ചെയ്തു കഴിഞ്ഞു. എന്‍ഐഎ അന്വേഷിക്കുന്നത് ഭീകരബന്ധമുണ്ടോ എന്നാണെങ്കില്‍ സാമ്പത്തിക കുറ്റാന്വേഷണമാണ് ഇഡി നടത്തുന്നത്. ഈ ഏജന്‍സികളുടെ റിപ്പോര്‍ട്ടിന്റെ അടിസ്ഥാനത്തില്‍ ഒടുവില്‍ സിബിഐയും എത്തിയേക്കുമെന്നാണു വിവരം.