നേതൃമാറ്റവിവാദം: തരൂരിനെതിരെ പടയൊരുക്കം

കോണ്‍ഗ്രസ് നേതാവും തിരുവനന്തപുരം എം പിയുമായ ശശി തരൂരാണ് പാര്‍ട്ടി അദ്ധ്യക്ഷ സോണിയ ഗാന്ധിക്കുള്ള കത്തിന്റെ ആസൂത്രകന്‍ എന്ന നിലയില്‍ അദേത്തത്തിനെതിരെ നീക്കം ശക്തം. അഞ്ച് മാസങ്ങള്‍ക്കു മുമ്പ് ശശി തരൂര്‍ ഒരുക്കിയ വിരുന്നിലായിരുന്നുവെന്നാണ് ചില വെളിപ്പെടുത്തലുകള്‍ പുറത്തു വന്നിരിക്കുന്നത് . മുന്‍ ധനമന്ത്രി പി ചിദംബരം, മകനും എം പിയുമായ കാര്‍ത്തി ചിദംബരം, സച്ചിന്‍ പൈലറ്റ്, അഭിഷേക് മനുസിങ്വി , മണിശങ്കര്‍ അയ്യര്‍ എന്നിവരാണ് വിരുന്നില്‍ പങ്കെടുത്തെങ്കിലും കത്തില്‍ ഒപ്പിട്ടില്ലാത്ത നേതാക്കള്‍. ഹൈക്കമാണ്ട് തരൂരിനെതിരെ തിരിയുമെന്നും സൂചനയുണ്ട്. തിങ്കളാഴ്ച നിര്‍ണ്ണായകമായ എഐസിസി യോഗത്തിന് വഴിയൊരുക്കിയത് തരൂരും ഗുലാം നബി ആസാദും കബില്‍ സിബലും ഉള്‍പ്പെടെയുള്ള 23 നേതാക്കള്‍ സോണിയയ്ക്കെഴുതിയ കത്താണ്. പാര്‍ട്ടിക്ക് മുഴുവന്‍ സമയവും പ്രവര്‍ത്തിക്കുന്ന നേതൃത്വം വേണമെന്നതായിരുന്നു കത്തിലെ മുഖ്യ ആവശ്യം. കോണ്‍ഗ്രസ് ഇന്നു നേരിടുന്ന വെല്ലുവിളിയും ഉണര്‍വ്വും ഉത്സാഹവമുള്ള രാഷ്ട്രീയ പാര്‍ട്ടിയെന്ന നിലയിലേക്ക് കോണ്‍ഗ്രസ് തിരിച്ചുവരേണ്ടതിന്റെ ആവശ്യകതയും ചൂണ്ടിക്കാട്ടുന്ന കത്തിലെ ആശയങ്ങള്‍ തരൂരിന്റെ വിരുന്നില്‍ വിശദമായി ചര്‍ച്ച ചെയ്യപ്പെട്ടുവെന്നാണ് കെ പി സി സി യിലെ പ്രാധാനികളും പറയുന്നത്. ഇപ്പോള്‍ നേതൃത്വം മാത്രമല്ല കോണ്‍ഗ്രസ് പാര്‍ട്ടിക്ക് ഇല്ലാത്തത്. അണികളുമില്ല, വേരുമറ്റു. കേരളത്തില്‍ നിന്ന് നോക്കുമ്പോള്‍ പലരും ഇത് കാണുന്നില്ലെന്ന് മാത്രം. അതുകൊണ്ടാണ് സോണിയഗാന്ധിയുടെ നേതൃത്വത്തിനെതിരെ ഇരുപത്തി മൂന്ന് നേതാക്കള്‍ പരസ്യമായി നടത്തിയ നീക്കം കോണ്‍ഗ്രസ് പാര്‍ട്ടിയെ രക്ഷിക്കാനുള്ള ശ്രമമായിട്ട് വിലയിരുത്തപ്പെടുന്നത്. സച്ചിന്‍ പൈലറ്റിനുവേണ്ടിയുള്ള നീക്കമായി ചിലര്‍ വ്യാഖ്യാനിക്കുന്നുണ്ട്. എന്തായാലും രണ്ടു ദിവസത്തിനുള്ളില്‍ ചിത്രം കൂടുതല്‍ തെളിയും