ബര്‍ലിന്‍ പ്രതിഷേധ പ്രകടനം നിരോധിച്ചു

ജർമനിയിൽ കോവിഡ് വ്യാപനം വർധിക്കുന്നത് പരിഗണിച്ച്, സർക്കാരിനെതിരെയുള്ള കൊറോണ പ്രതിഷേധ പ്രകടനങ്ങൾ തലസ്ഥാന നഗരമായ ബർലിനിൽ നിരോധിച്ച് ഇന്നു സർക്കാർ ഉത്തരവിറക്കി. അടുത്ത ശനിയാഴ്ച കാൽലക്ഷത്തോളം പേർ ജർമൻ സർക്കാരിന്റെ കോവിഡ് കടുത്ത നിയന്ത്രണങ്ങൾ എടുത്തു കളയണമെന്ന് ആവശ്യപ്പെട്ട് തെരുവിലിറങ്ങാൻ ഇരിക്കെയാണ് സർക്കാർ നിയന്ത്രണം പുറത്തു വന്നത്. കഴിഞ്ഞ ഓഗസ്റ്റ് ഒന്നിനു ബർലിനിൽ നടത്തിയ പ്രകടനം കോവിഡ് നിയന്ത്രണങ്ങൾ കാറ്റിൽ പറത്തിയാണ് നടന്നത്. മാസ്ക്ക് ധരിക്കാതെയും സാമൂഹ്യഅകലം പാലിക്കാതെയും നടന്ന പ്രകടനം ഏറെ വിമർശനം സർക്കാർ കേൾക്കേണ്ടി വന്നു. പ്രകടനക്കാർ അകാരണമായി പൊലീസുമായി ഏറ്റുമുട്ടി ആണ് 135 പേരെ പൊലീസ് അറസ്റ്റ് ചെയ്ത് കേസെടുത്തു. പൊലീസ് സേനയിലെ 45 പേർക്ക് പരുക്കേൽക്കുകയും ചെയ്തു. കഴിഞ്ഞ ഓഗസ്റ്റ് ഒന്നിന് ബർലിനിൽ നടന്ന പ്രകടനത്തിൽ 20,000 പേർ പങ്കെടുത്തിരുന്നു. സംഭവം സർക്കാരിന്റെ കണ്ണ് തുറപ്പിക്കുകയാണെന്നും കോവിഡ് വ്യാപനം തടയുകയാണ് സർക്കാർ ലക്ഷ്യമെന്നും വിശദീകരണമുണ്ട്.