കോൺഗ്രസ് അഴിച്ചുപണിയാന് ഹൈക്കമാന്ഡിന് കത്തയച്ച മുതിര്ന്ന നേതാക്കള്ക്കെതിരെ പ്രതികാര നടപടി തുടരുന്നു. യുപിയിൽ 2022ലെ നിയമസഭാ തെരഞ്ഞെടുപ്പ് ലക്ഷ്യമിട്ട് രൂപീകരിച്ച സമിതികളിൽനിന്ന് പ്രവർത്തകസമിതി അംഗം ജിതിൻ പ്രസാദയെയും മുൻ പിസിസി പ്രസിഡന്റ് രാജ് ബബ്ബറിനെയും ഒഴിവാക്കി.
പ്രകടനപത്രിക കമ്മിറ്റി, അംഗത്വ കമ്മിറ്റി, പരിപാടി നടപ്പാക്കൽ കമ്മിറ്റി, പ്രചാരണ കമ്മിറ്റി, പരിശീലന കമ്മിറ്റി, തദ്ദേശതെരഞ്ഞെടുപ്പ് കമ്മിറ്റി, മാധ്യമസമിതി എന്നിവയാണ് രൂപീകരിച്ചത്. രാഹുൽ ഗാന്ധിയെ എതിര്ത്ത് സംസാരിച്ച മുതിർന്ന നേതാവും മുൻ കേന്ദ്രമന്ത്രിയുമായ ആർ പി എൻ സിങ്ങും ഒഴിവാക്കപ്പെട്ടു.
ലോക്സഭയിലെയും രാജ്യസഭയിലെയും പാർടി സമിതികളിൽ അടുത്തിടെ അഴിച്ചുപണി നടത്തിയപ്പോഴും കത്തയച്ച 23 നേതാക്കളില് ഉള്പ്പെട്ടവരെ മാറ്റിനിര്ത്തി. മനീഷ് തിവാരി, ശശി തരൂർ തുടങ്ങിയവരെ ഒഴിവാക്കി താരതമ്യേന ജൂനിയറായ ഗൗരവ് ഗൊഗോയിയെ ലോക്സഭാ ഉപനേതാവായി തെരഞ്ഞെടുത്തു. ശശി തരൂരും ആനന്ദ് ശർമയും പാർലമെന്ററി സ്റ്റാൻഡിങ് കമ്മിറ്റി അധ്യക്ഷന്മാരാണ്. കമ്മിറ്റികൾ പുനഃസംഘടിപ്പിക്കുമ്പോൾ ഇവര്ക്കും സ്ഥാനം തെറിച്ചേക്കാം.
News Beyond Headlines
05 Sunday
July
July
