ലഹരിമരുന്ന് സിനിമാക്കാര്‍ക്ക് പൊലീസ് ചാരന്‍

ഇന്ത്യയില്‍ പല ഭാഗങ്ങളിലാണ് സിനിമാമേഖലയിലെ ലഹരി കടത്തിനെക്കുറിച്ചുള്ള അന്വേഷണ വിവരങ്ങള്‍ ചോര്‍ത്തി നല്‍കാന്‍ കോടികളുമായി പൊലീസിന് സ്വാധീനിച്ച് സംഘങ്ങള്‍. മുബൈ, കര്‍ണ്ണാടകം , കേരളം , ഡല്‍ഹി എന്നിവടങ്ങിലാണ് പൊലീസുകാരുമായി ബന്ധപ്പെട്ട് വന്‍ സംഘം ഉള്ളതായി വിവരരം ലഭിച്ചിരിക്കുന്നത്. കര്‍ണ്ണാടകയിലെ അറസ്റ്റില്‍ നിന്നാണ് ഇതിന്റെ സൂചന ലഭിച്ചിരിക്കുന്നത്. 50 ലക്ഷം രൂപ കൈക്കൂലി ഉറപ്പിച്ച്, കന്നഡ സിനിമാ ലഹരി റാക്കറ്റ് പ്രതികള്‍ക്ക് അന്വേഷണ വിവരം ചോര്‍ത്തിയ ബെംഗളൂരു പൊലീസ് ഉദ്യോഗസ്ഥര്‍ക്കു സസ്‌പെന്‍ഷന്‍. സെന്‍ട്രല്‍ ക്രൈംബ്രാഞ്ച് (സിസിബി) അസിസ്റ്റന്റ് കമ്മിഷണര്‍ എം.ആര്‍ മുധവി, ഹെഡ്‌കോണ്‍സ്റ്റബിള്‍ മല്ലികാര്‍ജുന്‍ എന്നിവര്‍ക്കെതിരെയാണു നടപടി. കേസ് വലിയ വകുപ്പുകള്‍ ചുമത്താതെ ഒതുക്കാമെന്ന് ഇവര്‍ വാക്ക് കൊടുത്തെന്നും അറസ്റ്റിലായ ലഹരി പാര്‍ട്ടി സംഘാടകന്‍ വിരേന്‍ ഖന്നയ്ക്കു മൊബൈല്‍ ഫോണ്‍ കൈമാറിയെന്നും വകുപ്പു തല അന്വേഷണ റിപ്പോര്‍ട്ടില്‍ പറയുന്നു. ലഹരിക്കേസ് അന്വേഷണ സംഘത്തിലുള്ളവരല്ല ഇരുവരും . ശ്രീലങ്കയില്‍ ചൂതാട്ടകേന്ദ്ര നടത്തിപ്പില്‍ പങ്കാളിത്തമുണ്ടെന്നു സംശയിക്കുന്ന ഷെയ്ഖ് ഫസിയുല്ല എന്നയാള്‍ എസിപി മുധവിയുടെ അടുപ്പക്കാരനാണ്. ഒളിവിലുള്ള ഇയാള്‍ക്കും വിവരം ചോര്‍ത്തിയത്രേ. നടിമാരായ രാഗിണി ദ്വിവേദിയും സഞ്ജന ഗല്‍റാണിയും ഉള്‍പ്പെടെ 14 പേരാണ് ഇതുവരെ ലഹരിക്കേസില്‍ അറസ്റ്റിലായത്. അതിനിടെ, കേസില്‍ ചോദ്യം ചെയ്യലിനു ഹാജരാകാന്‍ ടിവി അവതാരക അനുശ്രീക്കു മംഗളൂരു പൊലീസ് നോട്ടിസ് നല്‍കി.