വീട്ടുമുറ്റത്ത് കളിക്കുകയായിരുന്ന രണ്ടര വയസുകാരന്‍ കിണറ്റില്‍ വീണ് മരിച്ചു

വീട്ടുമുറ്റത്ത് കളിക്കുകയായിരുന്ന ആലപ്പുഴ സിവ്യൂവാര്‍ഡില്‍ പള്ളിപ്പുരയിടത്തില്‍ സഫീദ് - അനീസ ദമ്പതികളുടെ മകന്‍ അഹ് യാന്‍ (രണ്ടര) യാണ് മരിച്ചത്. ഖലാസി തൊഴിലാളിയായ സഫീദിന് അനീസ പ്രഭാത ഭക്ഷണം നല്‍കുമ്പോള്‍ വീട്ടുമുറ്റത്ത് കളിക്കുകയായിരുന്നു കുട്ടി. ഭക്ഷണം കഴിച്ച് പുറത്തിറങ്ങിയപ്പോഴാണ് കുട്ടിയെ കാണാതായത്. തുടര്‍ന്ന് നടത്തിയ തെരച്ചിലില്‍ കിണറ്റില്‍ വീണതായി കണ്ടെത്തി. ഉടനെ തന്നെ കിണറ്റില്‍ നിന്ന് കരയ്ക്ക് എത്തിച്ച കുട്ടിയെ ജനറല്‍ ആശുപത്രിയിലേക്ക് എത്തിച്ചെങ്കിലും ജീവന്‍ രക്ഷിക്കാനായില്ല.