കൊവിഡ് പോരാളികള്‍ക്ക് പുഷ്പങ്ങള്‍ നല്‍കി അപര്‍ണ; ആദരിച്ച് പൊലീസ്

കൊവിഡ് കാലത്തും മുന്‍നിരയില്‍ പ്രവര്‍ത്തിച്ച പൊലീസ് ഉദ്യോഗസ്ഥര്‍ക്ക് പുഷ്പങ്ങള്‍ നല്‍കി ഇന്ത്യന്‍ ഹൈസ്‌കൂള്‍ വിദ്യാര്‍ഥി അപര്‍ണ സായി. ഉദ്യോഗസ്ഥര്‍ക്കും ജീവനക്കാര്‍ക്കും പുഷ്പങ്ങള്‍ സമ്മാനിക്കണമെന്ന അപര്‍ണയുടെ ആഗ്രഹം പൊലീസ് സാധിച്ചുകൊടുക്കുകയായിരുന്നു.
അപര്‍ണയുടെ പ്രവൃത്തിയെ പൊലീസ് അഭിനന്ദിക്കുകയും ആദരിക്കുകയം ചെയ്തു. കോവിഡ് കാലത്തും ദേശീയ അണുനശീകരണ യജ്ഞ സമയത്തും ആരോഗ്യപ്രവര്‍ത്തകര്‍ക്കൊപ്പം മുന്‍നിരയില്‍നിന്ന് പ്രവര്‍ത്തിച്ചവരാണ് ദുബായ് പൊലീസ്. എല്ലാ വിഭാഗങ്ങളുമായും മികച്ച സൗഹൃദമാണ് ദുബായ് പൊലീസിന്റെ ലക്ഷ്യമെന്നും അപര്‍ണയെ പോലുള്ള കുട്ടികളുടെ പ്രവൃത്തികള്‍ ആദരിക്കപ്പെടേണ്ടതാണെന്നും ദുബായ് പൊലീസിലെ ട്രാന്‍സ്‌പോര്‍ട്ട് ആന്‍ഡ് റെസ്‌ക്യൂ വിഭാഗം ഡയറക്ടര്‍ ഡോ. മുഹമ്മദ് നാസര്‍ അല്‍ റസൂഖി പറഞ്ഞു. പൊതുജനങ്ങളുമായുള്ള സഹകരണമാണ് ദുബൈയെ ലോകത്തിലെ ഏറ്റവും സുരക്ഷിത നഗരമാക്കി മാറ്റിയതെന്നും അദ്ദേഹം കൂട്ടിച്ചേര്‍ത്തു. ദുബായ് പൊലീസിന് അപര്‍ണയുടെ രക്ഷിതാക്കള്‍ നന്ദി അറിയിച്ചു.