മകന് പദവികിട്ടാന്‍ വര്‍ഗീയവിഷവുമായി വെള്ളാപ്പള്ളി

മകന്‍ തുഷാന്‍ വെള്ളാള്ളിക്ക് കേന്ദ്രത്തില്‍ പദവി ലഭിക്കാന്‍ വര്‍ഗീയ വിഷം ചീറ്റി വീണ്ടും വെള്ളാപ്പള്ളി രംഗത്ത് ഇറങ്ങി. ഡിസംബര്‍ ആദ്യവാരം നടക്കുന്ന പഞ്ചായത്ത് തിരഞ്ഞെടുപ്പില്‍ എങ്ങനെങ്കിലും ബി ഡി ജെ എസിന് സീറ്റ് ഉണ്ടാക്കി എടുത്ത് കഴിവ് കാണിക്കലാണ് ലക്ഷ്യം.
ലോക്‌സഭാ തിരഞ്ഞെടുപ്പില്‍ ബിജെപി മൂക്കു കുത്തി വീണത് താന്‍ ശബരിമല പ്രശ്‌നത്തില്‍ അവരുടെ നിലപാടിന് എതിരെ നിന്നതുകൊണ്ടാണെന്നും, ഇപ്പോള്‍ പഞ്ചായത്തില്‍ ജയിച്ചാല്‍ അത് തന്റെ കരുത്തണന്ന് ദേശീയ നേതൃത്വത്തെ കാണിക്കുകയാണ് ലക്ഷ്യം. കേരളത്തിന് പുറത്തുനിന്ന് രാജ്യസഭാ എം പി ആകാനുള്ള ശ്രമം തുഷാന്‍ വെള്ളാപ്പള്ളി ഉപേക്ഷിച്ചിട്ടില്ലന്നാണ് പുറത്തുവരുന്ന വിവരം.
കേന്ദ്രമന്ത്രി പദത്തില്‍ കുറഞ്ഞൊന്നുംകൊണ്ട് കേരളത്തില്‍ പാര്‍ട്ടിയുമായി നടക്കാന്‍ പറ്റില്ലന്നും, അത് നേടിയെടുക്കാന്‍ സഹായിക്കണമെന്നും പുതുതായി വന്ന നേതൃത്വത്തോട് ആവശ്യപ്പെട്ടിട്ടുണ്ട്. താഴേത്തട്ടിലെ വോട്ടിങ്ങ് കരുത്താണ് അവര്‍ ആവശ്യപ്പെടുന്നത്.
കഴിഞ്ഞ മാസം ഡല്‍ഹി സന്ദര്‍ശനം നടത്തിതിരിച്ചെത്തിയ മകന്റെ ആവശ്യപ്രകാരമാണ് അച്ചന്‍ ജാതിവിഷവുമായി ഇറങ്ങിയിരിക്കുന്നത്. ഇതിനിടെ എസ് എന്‍ ഡി പിയെ പ്രശ്‌നങ്ങള്‍ രമ്യതയില്‍ എത്തിക്കാനും ശ്രമം തുടങ്ങിയിട്ടുണ്ട്. ഗോകുലം ഗോപലനെ തിരികെ സംഘടനയില്‍ എത്തിക്കാനും ഗോകുലം കൂടി അംഗീകരിക്കുന്ന നിഷ് പക്ഷനായ ഒരാളെ യോഗം പ്രസിഡന്റ് പദവിയില്‍ എത്തിക്കാനുമാണ് നീക്കം.