ഷഗുനിനും കാമുകനൊപ്പം അവധിക്കാലം ആഘോഷിച്ചു തപ്സി

തെലുഗിലും ഹിന്ദിയിലും തമിഴിലും തന്റേതായ സ്ഥാനം ഉണ്ടാക്കിയ നടിയാണ് തപ്സി പന്നു. ഈ അവധികാലം സഹോദരിമാര്‍ക്കൊപ്പവും കാമുകന്‍ മാതിയസ് ബോ ഒപ്പവും മാലിദ്വീപില്‍ ആഘോഷിക്കുകയാണ് നടി. മാതിയസ് ബോ എന്ന ബാഡ്മിന്റണ്‍ കളിക്കാരനുമായി താന്‍ പ്രണയത്തിലാണെന്ന് താപ്സി നേരത്തേ പറഞ്ഞിരുന്നു.അടുത്തിടെ ഒരു അഭിമുഖത്തില്‍ താപ്‌സി തന്റെ പ്രണയത്തെക്കുറിച്ച് തുറന്നു പറയുകയുണ്ടായി. മാതിയസ് ബോയുമായി താന്‍ പ്രണയത്തിലാണെന്നും തന്റെ ഭാവിവരനെക്കുറിച്ചുള്ള തന്റെ കുടുംബത്തിന്റെ പ്രതികരണം എന്തായിരിക്കും എന്ന ചിന്ത തന്നെ അലട്ടിയിരുന്നെന്നും താപ്സി പറഞ്ഞിരുന്നു.''മാതിയസുമായുള്ള അടുപ്പത്തെ കുറിച്ച് എന്റെ വീട്ടില്‍ അറിയാം. അവര്‍ എതിരു പറഞ്ഞിരുന്നെങ്കില്‍ ഈ ബന്ധം മുന്നോട്ടുപോകില്ലായിരുന്നു. ഇതൊരു രഹസ്യമാക്കി വയ്ക്കേണ്ട കാര്യം ഇല്ല. മാതിയസ് എന്റെ ജീവിതത്തിന്റെ ഭാഗമാണെന്നു പറയുന്നതില്‍ എനിക്ക് അഭിമാനമേയുള്ളൂ. അത് പക്ഷേ നടിയെന്ന നിലയിലുള്ള എന്റെ ജീവിതത്തെ ബാധിക്കരുത് എന്നെനിക്ക് നിര്‍ബന്ധമുണ്ടായിരുന്നു. അങ്ങനെ സംഭവിച്ചാല്‍ അതെന്നെ തകര്‍ത്തു കളയും.''2014 ല്‍ ഇന്ത്യയില്‍ നടന്ന ബാഡ്മിന്റണ്‍ ടൂര്‍ണമെന്റിന്റെ ഉദ്ഘാടന വേളയിലാണ് താപ്സിയും മാതിയാസും കണ്ടുമുട്ടുന്നത്. മാതിയാസ് ഒരു ടീമിന്റെ ഭാഗമായിരുന്നു, താപ്‌സി മറ്റൊരു ടീമിന്റെ ബ്രാന്‍ഡ് അംബാസഡറായിരുന്നു.