പശുവിനെ പീഡിപ്പിച്ചയാള്‍ പിടിയിലായി

പശുവിനെ പീഡിപ്പിച്ച ഗുഡ്‌സ് ഓട്ടോ ഡ്രൈവര്‍ പൊലീസിന്റെ പിടിയിലായി . കോഴിക്കോട് എന്‍.ഐ.ടിക്ക് സമീപം വലിയവയല്‍ മുല്ലേരിക്കുന്നുമ്മല്‍ താമസിക്കുന്ന എറണാംകുളം സ്വദേശി മുരളീധരനാണ് കുന്ദമംഗലം പൊലീസിന്റെ പിടിയിലായത്. ചാത്തമംഗലം പന്ത്രണ്ടാംമയിലില്‍ താമസിക്കുന്ന വ്യക്തിയുടെ വെച്ചൂര്‍ ഇനത്തില്‍പ്പെട്ട പശുവിനെയാണ് ഇയാള്‍ പീഡിപ്പിച്ചത്. രാത്രിയില്‍ എല്ലാവരും ഉറങ്ങി കഴിഞ്ഞാല്‍ പശുവിനടുത്തെത്തുന്ന ഇയാള്‍ ആലയില്‍ നിന്ന് പശുവിനെ പുറത്തെത്തിച്ച് പീഡിപ്പിച്ച ശേഷം ഉപേക്ഷിക്കുകയായിരുന്നു പതിവ്. പല തവണ പശുവിനെ ആലയില്‍ നിന്ന് കാണാതായതിനെ തുടര്‍ന്ന് ഒരു തവണ കുന്ദമംഗലം പൊലീസില്‍ വീട്ടുടമ പരാതി നല്‍കിയിരുന്നു. നിരന്തരം പശുവിനെ കാണാതായതോടെ വിട്ടുടമ ആലക്ക് സമീപം സി.സി.ടി.വി കാമറ സ്ഥാപിക്കുകയായിരുന്നു. പ്രതി ആലയില്‍ നിന്ന് പശുവിനെ അഴിച്ചു കൊണ്ടു പോകുന്നത് കൃത്യമായി സി.സി.ടി.വിയില്‍ പതിഞ്ഞിട്ടുണ്ട്. വെറ്റിനറി ഡോക്റ്റര്‍ നടത്തിയ പരിശോധനയില്‍ പശു പീഡനത്തിനരയായതായും, പല ഭാഗത്തും പശുവിന് മുറിവേറ്റതായും കണ്ടെത്തിയിരുന്നു.