വിജയദശമി ദിനത്തിലെ കീര്‍ത്തിയുടെ ചെക്ക് ലിസ്റ്റ് ചര്‍ച്ചയായി

മലയാളത്തിലാണെങ്കിലും അന്യഭാഷാ സിനിമ രംഗത്താണെങ്കിലും കീര്‍ത്തി സുരേഷിനെ അറിയാത്തവരായി ആരുമുണ്ടാകില്ല. മലയാളത്തില്‍ ഒരുപാട് സിനിമകളൊന്നും ചെയ്തിട്ടില്ലെങ്കിലും മലയാളികള്‍ക്ക് ഒരുപാട് പ്രിയപെട്ട താരമാണ് കീര്‍ത്തി. താരത്തിന്റെ എല്ലാ വിശേഷങ്ങളും ആരാധകരുമായി പങ്കിടാന്‍ ഏറെ താല്പര്യം കാണിക്കുന്ന ആളുകൂടിയാണ് കീര്‍ത്തി. വിജയദശമി ദിനത്തില്‍ തന്റെ ചെക്ക് ലിസ്റ്റ് പ്രകാരമുള്ള മൂന്ന് കാര്യങ്ങള്‍ ചെയ്യുന്ന ചിത്രമാണ് കീര്‍ത്തി പോസ്റ്റ് ചെയ്തിരിക്കുന്നത്.അതില്‍ ഒന്ന് വിജയദശമി ആഘോഷിക്കുക എന്നത് തന്നെയാണ്. രണ്ടാമത്തേത് നന്നായി വെള്ളം കുടിക്കുക എന്നും, മൂന്നാമത്തേത് ഏറ്റവും അടുത്ത സുഹൃത്തിനൊപ്പം സമയം ചെലവഴിക്കുക എന്നതുമാണ്. തനിക്ക് ഏറ്റവും പ്രിയപ്പെട്ടയാള്‍ തന്റെ വളര്‍ത്തു നായ നൈക്കാണെന്ന് കീര്‍ത്തി മുന്‍പും പറഞ്ഞിട്ടു?ണ്ട്. നൈക്കിനേയും ചിത്രത്തില്‍ കാണാം.
ലോക്ഡൗണ്‍ ആരംഭിക്കും മുന്‍പ് നാഗേഷ് കുകുനൂരിന്റെ 'ഗുഡ് ലക്ക് സഖി'യില്‍ അഭിനയിച്ചുവരികയായിരുന്നു കീര്‍ത്തി. ചിത്രത്തില്‍ ഒരു ഷാര്‍പ്പ് ഷൂട്ടറുടെ വേഷത്തിലാണ് കീര്‍ത്തി എത്തുന്നത്. 2020 പകുതിയോടെ തിയേറ്ററില്‍ എത്താന്‍ ഒരുങ്ങുന്ന ചിത്രം നിര്‍മിക്കുന്നത് ദില്‍ രാജുവാണ്.മലയാളത്തില്‍ 'മരക്കാര്‍ അറബിക്കടലിന്റെ സിംഹം' ആണ് കീര്‍ത്തിയുടേതായി തിയേറ്ററില്‍ എത്താനുള്ള ചിത്രം. മാര്‍ച്ച് അവസാന ആഴ്ച തിയേറ്ററില്‍ എത്താനിരുന്ന ചിത്രം കൊറോണയുടെ പശ്ചാത്തലത്തില്‍ റിലീസ് നീട്ടുകയായിരുന്നു. മോഹന്‍ലാലിനെ കേന്ദ്രകഥാപാത്രമാക്കി പ്രിയദര്‍ശന്‍ സംവിധാനം ചെയ്യുന്ന ചിത്രത്തില്‍ ആര്‍ച്ച എന്ന കഥാപാത്രത്തെയാണ് കീര്‍ത്തി അവതരിപ്പിക്കുന്നത്. താരസമ്പന്നമായ ചിത്രത്തില്‍ കീര്‍ത്തിയ്ക്ക് ഒപ്പം കളിക്കൂട്ടുകാരായ പ്രണവ് മോഹന്‍ലാല്‍, കല്യാണി പ്രിയദര്‍ശന്‍ എന്നിവരുമുണ്ട്.