ഒടുവില്‍ എന്‍ഡിഎ ആശ്വാസ ജയത്തില്‍

ഇരുപത് മണിക്കൂര്‍ നീണ്ട വോട്ടെണ്ണല്‍ സസ്‌പെന്‍സിനൊടുവില്‍ ബിഹാറില്‍ ഇഞ്ചോടിഞ്ച് പോരാട്ടത്തിനൊടുവില്‍ നേരിയ ഭൂരിപക്ഷത്തോടെ എന്‍ഡിഎ സഖ്യം ഭരണം നിലനിര്‍ത്തി. ചില മണ്ഡലങ്ങളില്‍ അട്ടിമറി ചൂണ്ടിക്കാട്ടി മഹാസഖ്യം കോടതിയില്‍ എത്തിയിട്ടുണ്ട്.
243 അംഗ സഭയില്‍ എന്‍ഡിഎ 125 സീറ്റുകള്‍ നേടി(122 സീറ്റാണ് കേവലഭൂരിപക്ഷം). ആര്‍ജെഡി നയിക്കുന്ന മഹാസഖ്യം 110 സീറ്റുകളില്‍ വിജയിച്ചു. 75 സീറ്റുകള്‍ നേടി തേജസ്വി പ്രതാപിന്റെ ആര്‍ജെഡി ഏറ്റവും വലിയ ഒറ്റകക്ഷിയായി.

ിജെപി 74 സീറ്റുകള്‍ നേടി. ഭരണം നിലനിര്‍ത്തിയെങ്കിലും മുഖ്യമന്ത്രി നിതീഷ് കുമാറിന്റെ ജെഡിയുവിന് 43 സീറ്റുകള്‍ മാത്രമാണ് നേടാനായത്. എന്‍ഡിഎ വിട്ട് 137 സീറ്റുകളില്‍ ഒറ്റയ്ക്കു മത്സരിച്ച ചിരാഗ് പാസ്വാന്റെ എല്‍ജെപി ഒറ്റ സീറ്റില്‍ ഒതുങ്ങി. മഹാസഖ്യത്തില്‍ ഇടതുപാര്‍ട്ടികള്‍ മികച്ച മുന്നേറ്റം നടത്തിയപ്പോള്‍ കോണ്‍ഗ്രസിന് അടിതെറ്റി.

29 സീറ്റുകളില്‍ മത്സരിച്ച ഇടതുപാര്‍ട്ടികള്‍ 16 ഇടത്ത് വിജയിച്ചു. 70 സീറ്റില്‍ മത്സരിച്ച കോണ്‍ഗ്രസിന് വിജയിക്കാനായത് 19 സീറ്റില്‍ മാത്രം. അസദുദ്ദീന്‍ ഉവൈസിയുടെ എംഐഎംഐഎം നടത്തിയ മുന്നേറ്റം മറ്റൊരുതരത്തില്‍ മഹാസഖ്യത്തിന് തിരിച്ചടിയായി. സീമാഞ്ചല്‍ മേഖലയില്‍ എംഐഎംഐഎം 5 മണ്ഡലങ്ങളില്‍ വിജയിച്ചു. ഉപേന്ദ്ര കുശ്വാഹയുടെ നേതൃത്വത്തിലുള്ള മൂന്നാം മുന്നണിയുടെ ഭാഗമായി 24 സീറ്റുകളിലാണ് എംഐഎംഐഎം മത്സരിച്ചത്. പതിനാലും സീമാഞ്ചലിലായിരുന്നു.