ഉവൈസിയിലൂടെ ബംഗാള്‍ പിടിക്കാന്‍ ബിജെപി

ബംഗാളില്‍ അസദുദ്ദീന്‍ ഉവൈസിയുടെ എഐഎംഐഎം കൂടി മത്സരിക്കാന്‍ എത്തുന്നതോടെ ന്യൂനപക്ഷ വോട്ടുകളിലുണ്ടാകുന്ന വിഭജനവും മുതലെടുത്ത് വിജയിക്കാമെന്ന് ബിജെപി പ്രതീക്ഷ.

ഗ്രാമങ്ങളില്‍ ബിജെപിക്ക് അനുകൂലമായ ചിന്താഗതിയുണ്ടെങ്കിലും നഗരങ്ങളില്‍ ശക്തമായ എതിര്‍പ്പുണ്ടെന്നാണ് കണ്ടെത്തിയത്. ബംഗ്ലദേശില്‍ നിന്നുള്ള കടന്നുകയറ്റത്തിനെതിരെ ഉണര്‍ത്തി വിട്ട വികാരം വോട്ടക്കാനുള്ള നീക്കമാണ്.

ബംഗാള്‍ സംസ്‌കാരത്തോട് ആഭിമുഖ്യമില്ലാത്ത പാര്‍ട്ടിയാണു ബിജെപിയെന്ന തൃണമൂല്‍ പ്രചാരണത്തിന് ഇപ്പോഴും സ്വാധീനമുണ്ട്. അതു മാറ്റിയെടുക്കുകയാണ് ബിജെപിയുടെ ലക്ഷ്യം. അതിനായി മമതയുടെ വിശ്വസ്തനും ട്രാന്‍സ്‌പോര്‍ട്ട് മന്ത്രിയുമായ സുവേന്ദു അധികാരി ഉള്‍പ്പെടെ കൂടുതല്‍ തൃണമൂല്‍ നേതാക്കളെ പാര്‍ട്ടിയിലേക്ക് ആകര്‍ഷിക്കാന്‍ നീക്കമുണ്ട്.

294 സീറ്റുകളില്‍ കുറഞ്ഞത് 110 എണ്ണത്തിലെങ്കിലും സംസ്ഥാനത്ത് 30 ശതമാനത്തോളം വരുന്ന ന്യൂനപക്ഷ വോട്ടുകള്‍ നിര്‍ണായകമാവാറുണ്ട്. സിപിഎമ്മിന്റെ തകര്‍ച്ചയ്ക്കു ശേഷം ഇത് തൃണമൂലിനാണു കിട്ടിക്കൊണ്ടിരുന്നത്. എഐഎംഐഎം എല്ലാ ജില്ലകളിലും യൂണിറ്റുകളുണ്ടാക്കിയിട്ടുണ്ട്.