ബോളിവുഡ് നടി കൃതി സനന് കോവിഡ്

നടി കൃതി സനനും കോവിഡ് സ്ഥിരീകരിച്ചതായി റിപ്പോര്‍ട്ട്. പുതിയ ചിത്രത്തിന്റെ ഷൂട്ടിങ് പൂര്‍ത്തിയാക്കിയതിന് ശേഷം കഴിഞ്ഞ ദിവസമാണ് നടി
ചണ്ഡീഗഡില്‍ നിന്ന് തിരിച്ചെത്തിയത്. എന്നാല്‍ കോവിഡ് പോസിറ്റീവായെന്ന വാര്‍ത്തയെക്കുറിച്ച്
പ്രതികരിക്കാന്‍ താരം തയാറായിട്ടില്ല.

കഴിഞ്ഞ ആഴ്ച വരെ രാജ്കുമാര്‍ റാവുവിനൊപ്പമുള്ള പുതിയ ചിത്രത്തിന്റെ ഷൂട്ടിങ്ങിലായിരുന്നു താരം.മുംബൈയിലേക്ക് തിരിച്ചുവരുകയാണെന്നും താരം ആരാധകരെ അറിയിച്ചിരുന്നു. അതിനിടെ സെലിബ്രിറ്റി ഫോട്ടോഗ്രാഫര്‍ വിറാള്‍ ഭയാനി കൃതിയെക്കുറിച്ച് പങ്കുവെച്ച കുറിപ്പ് വൈറലാവുന്നുണ്ട്.

താരത്തിന്റെ ചിത്രത്തിനൊപ്പം കോവിഡ് പോസ്റ്റീവ് എന്ന് എഴുതിക്കൊണ്ടാണ് പോസ്റ്റ്. എല്ലാ സുരക്ഷാ നടപടികളും സ്വീകരിച്ചിട്ടും കോവിഡ് ബാധിതയാവുന്നത് നിര്‍ഭാഗ്യമാണ്. അടുത്തിടെയാണ് താരം ചണ്ഡീഗഡില്‍ നിന്ന് തിരിച്ചെത്തിയത്.