തൃശൂര്‍ പട്ടാപ്പകല്‍ വീട് കുത്തിതുറന്ന് വന്‍ കവര്‍ച്ച; 63 പവന്‍ സ്വര്‍ണവും ഡയമണ്ടും കവര്‍ന്നു

തൃശൂര്‍ വലപ്പാട് പട്ടാപ്പകല്‍ അടച്ചിട്ട വീട്ടില്‍ വന്‍ കവര്‍ച്ച. വീട് കുത്തിത്തുറന്ന് 63 പവന്‍ സ്വര്‍ണവും ഡയമണ്ടും കവര്‍ന്നു. വലപ്പാട് സെന്റ് സെബാസ്റ്റ്യന്‍സ് പള്ളിക്ക് മുമ്പില്‍ അറയ്ക്കല്‍ നെല്ലിശേരി ജോര്‍ജിന്റെ ഇരുനില വീട്ടിലാണ് കവര്‍ച്ച നടന്നത്. ഉച്ചക്ക് 11.30 ഓടെ ജോര്‍ജ്ജും കുടുംബവും മരുമകള്‍ റിനിയുടെ വീട്ടില്‍ പോയിരിക്കുകയായിരുന്നു. മുകള്‍ നിലയിലെ രണ്ട് അലമാരകളില്‍ ഒന്നിന്റെ താക്കോല്‍ ഉപയോഗിച്ച് തുറന്നാണ് കവര്‍ച്ച നടത്തിയിട്ടുള്ളത്. മരുമകള്‍ റിനിയുടെ 60 പവനും, മകള്‍ റോസ്‌മേരിയുടെ ഒരു ഡയമണ്ട് ഉള്‍പ്പെടെ മൂന്ന് പവന്റെ ആഭരണങ്ങളുമാണ് മോഷണം പോയിട്ടുള്ളത്. വീടിന്റെ അടുക്കള വാതില്‍ കുത്തിത്തുറന്നാണ് മോഷ്ടാവ് അകത്ത് കടന്നിട്ടുള്ളത്.