‘പാന്റ് മുഖ്യം ബിഗിലേ’ എന്ന് ഓണ്‍ലൈന്‍ ആങ്ങള; നിക്കര്‍ ഉണ്ട് ബിഗിലേ എന്ന് ആര്യയുടെ മറുപടി

മുന്‍ ബിഗ് ബോസ് താരം ആര്യയുടെ പുതിയ ഗ്ലാമര്‍ ഫോട്ടോ ഷൂട്ട് ചിത്രങ്ങള്‍ സമൂഹമാധ്യമത്തില്‍ വൈറലാവുകയാണ്. ഫോട്ടോ പോസ്റ്റ് ചെയ്തതിന് പിന്നാലെ ഓണ്‍ലൈന്‍ ആങ്ങളമാരുടെ നിരവധി കമന്റുകളാണ് ആര്യക്ക് ലഭിച്ചത്. എന്നാല്‍ വന്ന കമന്റുകള്‍ക്കെല്ലാം മാസ് മറുപടി കൊടുത്ത് താരമായിരിക്കുകയാണ് ആര്യ.

ബ്ലൂ ഡെനം ഹൂഡി മാത്രമാണ് ഫോട്ടോ ഷൂട്ടില്‍ ആര്യയുടെ കോസ്റ്റിയൂം. ആര്യയുടെ കാലുകള്‍ കാണുന്നത് സഹിക്കാത്ത ഒരാളുടെ കമന്റ് ‘മത്തായിച്ചാ മുണ്ട് മുണ്ട്’ എന്നായിരുന്നു. ‘മത്തായിച്ചാ മുണ്ടല്ല നിക്കര്‍ നിക്കര്‍’ എന്നാണ് ആര്യ കൊടുത്ത മറുപടി.

‘പാന്റ് മുഖ്യം ബിഗില്‍ സോറി ആര്യ’ എന്ന മറ്റൊരു കമന്റിന് ‘നിക്കര്‍ ഉണ്ട് ബിഗിലേ’ എന്നായിരുന്നു ആര്യയുടെ മാസ് മറുപടി. അതേസമയം നിരവധി പ്രേക്ഷകര്‍ ഫോട്ടോസിന് നല്ല അഭിപ്രായങ്ങളും, പിന്തുണയും അറിയിച്ചിട്ടുണ്ട്.

ഇന്‍സ്റ്റഗ്രാമിലാണ് ആര്യ പുതിയ ഫോട്ടോ ഷൂട്ടി ചിത്രങ്ങള്‍ പങ്കുവെച്ചിരിക്കുന്നത്. കുറച്ചായി ആര്യ ചെയ്യുന്ന ഫോട്ടോ ഷൂട്ടുകളില്‍ നിന്ന് വളരെ വ്യത്യസ്തമായ ഒന്നായിരുന്നു പുതിയ ഷൂട്ട്. മെറിന്‍ ജോര്‍ജ് എന്ന ഫോട്ടോഗ്രാഫറാണ് ഈ ഗ്ലാമറസ് ഫോട്ടോസ് എടുത്തത്. സ്‌റ്റൈലിങ് ചെയ്തത് സനിത സിദ്ധാര്‍ഥ്.

നടിക്കും അവതാരികക്കും പുറമെ തന്റെ സ്വന്തം ഓണ്‍ലൈന്‍ സ്ഥാപനത്തിന്റെ സിഇഓ കൂടിയാണ് ആര്യ. കാഞ്ചീവരം എന്ന സില്‍ക്ക് സാരി ഇന്‍സ്റ്റഗ്രാം സ്‌റ്റോറിന്റെ ഉടമയാണ് ആര്യ. ഏകദേശം 1 വര്‍ഷത്തിന് മുകളിലായി ആര്യയുടെ സ്‌റ്റോര്‍ തുടങ്ങിയിട്ട്.

സിനിമ സീരിയല്‍ രംഗങ്ങളില്‍ ആര്യ അഭിനയിച്ചിട്ടുണ്ടെങ്കിലും ടിവി പരിപാടികളിലൂടെയാണ് താരം പ്രേക്ഷക ശ്രദ്ധ പിടിച്ചുപറ്റിയത്. ഏഷ്യാനെറ്റിലെ ബഡായി ബംഗ്ലാവ് എന്ന പരിപാടിയിലൂടെ ആര്യ പ്രേക്ഷകര്‍ക്ക് പ്രിയപ്പെട്ട താരമായി മാറി. ബിഗ് ബോസ് മലയാളത്തിന്റെ രണ്ടാമത്തെ സീസണില്‍ ആര്യ മത്സരിച്ചിരുന്നു. കുഞ്ഞി രാമായണം, ഹണീബീ, പ്രേതം, പുണ്യാളന്‍ , അലമാര എന്നീ ചിത്രങ്ങളിലാണ് ആര്യ അഭിനയിച്ചിരിക്കുന്നത്.