ഉന്നാവില്‍ ദളിത് പെണ്‍കുട്ടികള്‍ വയലില്‍ മരിച്ച നിലയില്‍

ഒരാളുടെ നില ഗുരുതരം

ഉത്തര്‍പ്രദേശില്‍ ഉന്നാവില്‍ രണ്ട് ദളിത് പെണ്‍കുട്ടികള്‍ മരിച്ച നിലയില്‍. ഒരു പെണ്‍കുട്ടിയെ ഗുരുരാവസ്ഥയിലും കണ്ടെത്തി. സമീപത്തെ വയലില്‍ നിന്നാണ് മൂന്നു പെണ്‍കുട്ടികളെയും കണ്ടെത്തിയത്. ഇവരുടെ ശരീരത്തില്‍ മുറിവുകളുമുണ്ടായിരുന്നു. വിഷബാധയാണ് രണ്ട് പെണ്‍കുട്ടികളുടെ മരണകാരണമെന്നാണ് പ്രാഥമിക നിഗമനം. ആരോഗ്യനില ഗുരുതരമായ മൂന്നാമത്തെ പെണ്‍കുട്ടി ജില്ലാ ആശുപത്രിയില്‍ ചികിത്സയിലാണ്.
ഉന്നാവോയിലെ ബാബുര ഗ്രാമത്തിലാണ് സംഭവം നടന്നത്. കന്നുകാലികള്‍ക്ക് തീറ്റ ശേഖരിക്കാനായി വയലില്‍ പോയതായിരുന്നു പെണ്‍കുട്ടികള്‍.േെ റ നേരം കഴിഞ്ഞിട്ടും വരാതായതോടെ ബന്ധുക്കള്‍ അന്വേഷിച്ചു പോവുകയായിരുന്നു. വയലില്‍ വെച്ച് പെണ്‍കുട്ടികള്‍ ഉപദ്രവിക്കപ്പെട്ടതാണെന്ന് സംശയം ഉയരുന്നതായി ഔദ്യോഗിക വൃത്തങ്ങള്‍ അറിയിച്ചു.
ജില്ലാ മജിസ്ട്രേറ്റും മറ്റ് മുതിര്‍ന്ന ഉദ്യോഗസ്ഥരും ജില്ലാ ആശുപത്രിയിലെത്തി. സ്ഥിതിഗതികള്‍ വിലയിരുത്തുന്നതിനായി ഒരു ഐജിയും ഡിഐജി റാങ്ക് ഉദ്യോഗസ്ഥനും ലക്നൗവില്‍ നിന്ന് പുറപ്പെട്ടിട്ടുണ്ട്.