കശ്മീരിലെ മാതാ വൈഷ്‌ണോ ദേവി ക്ഷേത്രത്തില്‍ തിക്കിലും തിരക്കിലും 12 മരണം

ജമ്മു കശ്മീരിലെ കത്രയിലെ മാതാ വൈഷ്‌ണോ ദേവി ക്ഷേത്രത്തില്‍ തിക്കിലും തിരക്കിലുംപെട്ട് 12 പേര്‍ മരിച്ചു. നിരവധി പേര്‍ക്ക് പരുക്കേറ്റു. ഇന്നു പുലര്‍ച്ചെയാണ് സംഭവം. പരുക്കേറ്റവരുടെ എണ്ണം സ്ഥിരീകരിച്ചിട്ടില്ല. പരുക്കേറ്റവരെ നരെയ്ന ആശുപത്രിയിലേക്കു മാറ്റി. സ്ഥലത്ത് രക്ഷാപ്രവര്‍ത്തനം പുരോഗമിക്കുകയാണെന്നു പൊലീസ് അറിയിച്ചു. പുതുവര്‍ഷാരംഭത്തോട് അനുബന്ധിച്ച് പ്രാര്‍ഥനയ്ക്കെത്തിയവരാണ് അപകടത്തില്‍ പെട്ടത്. അനുമതി കൂടാതെ ആളുകള്‍ തള്ളിക്കയറിയതാണ് ദുരന്തത്തിനു കാരണമെന്ന് അധികൃതര്‍ പറഞ്ഞു. പ്രധാനമന്ത്രി നരേന്ദ്ര മോദി നേരിട്ടാണ് രക്ഷാപ്രവര്‍ത്തനം വിലയിരുത്തുന്നതെന്നു കേന്ദ്രമന്ത്രി ജിതേന്ദ്ര ജെയ്ന്‍ ട്വിറ്ററില്‍ കുറിച്ചു.