ആട്ടിന്‍കൂട്ടത്തെ കാണിക്കാമെന്ന് പറഞ്ഞ് 17കാരിയെ കാട്ടിലെത്തിച്ച് പീഡിപ്പിച്ചെന്ന് പരാതി

ആട്ടിന്‍കൂട്ടത്തെ കാണിച്ചുതരാമെന്ന് പറഞ്ഞ് 17 വയസ്സുകാരിയെ കാട്ടില്‍കൊണ്ടുപോയി പീഡിപ്പിച്ചെന്ന് പരാതി. പഞ്ചാബിലെ ദേരാ ബസ്സിലാണ് സംഭവം. പെണ്‍കുട്ടി നല്‍കിയ പരാതിയുടെ അടിസ്ഥാനത്തില്‍ ആട്ടിടയനായ ഗുരി എന്നയാള്‍ക്കെതിരെ പൊലീസ് കേസ് എടുത്തു. ഇയാള്‍ ഒളിവിലെന്നാണ് വിവരം. രണ്ടു മാസം മുന്‍പ് പെണ്‍കുട്ടിയുടെ അമ്മ നടത്തുന്ന ചായക്കടയില്‍ എത്തിയ ഗുരി, പിന്നീട് പെണ്‍കുട്ടിയുമായി സൗഹൃദം സ്ഥാപിക്കുകയായിരുന്നു. കുറച്ച് ദിവസങ്ങള്‍ക്കു മുന്‍പ് തന്റെ ആട്ടിന്‍കൂട്ടത്തെ കാണിച്ചുതരാമെന്ന് പറഞ്ഞ് ഗുരി പെണ്‍കുട്ടിയെ കൂട്ടിക്കൊണ്ടുപോയി. പെണ്‍കുട്ടിയെ കാട്ടിലേക്ക് കൊണ്ടുപോയശേഷം പീഡിപ്പിക്കുകയായിരുന്നു. വിവരം പുറത്തറിയിച്ചാല്‍ വീട്ടുകാരെ കൊന്നുകളയുമെന്ന് ഭീഷണിപ്പെടുത്തിയതായി പെണ്‍കുട്ടി പൊലീസിനോട് പറഞ്ഞു. സംഭവത്തിനു ശേഷം പെണ്‍കുട്ടി അസ്വസ്ഥതകള്‍ പ്രകടിപ്പിച്ചതിനെ തുടര്‍ന്ന് മാതാപിതാക്കള്‍ നടത്തിയ പരിശോധനയിലാണ് പീഡന വിവരം പുറത്തറിഞ്ഞത്. സംഭവത്തില്‍ പോക്സോ ഉള്‍പ്പെടെയുള്ള വകുപ്പുകള്‍ ചുമത്തി കേസെടുത്തതായും പ്രതിക്കായി തിരച്ചില്‍ ആരംഭിച്ചതായും പൊലീസ് അറിയിച്ചു.