യുവതിയെ പീഡിപ്പിച്ചെന്നാരോപിച്ച് ഉപദ്രവം; യുവാവ് ഫേയ്സ്ബുക്ക് ലൈവിനിടെ ആത്മഹത്യചെയ്തു

മീററ്റ്: ഫെയ്സ്ബുക്ക് ലൈവിനിടെ യുവാവ് ആത്മഹത്യ ചെയ്തു. മീററ്റ് സ്വദേശിയായ മഗന്‍ ശര്‍മ (35) ആണ് മരിച്ചത്. ഫേയ്‌സ്ബുക്ക് ലൈവിനിടെയായിരുന്നു ഇയാളുടെ ആത്മഹത്യ.യുവതിയെ പീഡിപ്പിച്ചെന്നാരോപിച്ച് നാല് യുവാക്കള്‍ ചേര്‍ന്ന് തന്നെ ഉപദ്രവിച്ചെന്ന് മരിക്കുന്നതിന് മുമ്പ് മഗന്‍ ഫേയ്‌സ്ബുക്ക് ലൈവിലൂടെ വ്യക്തമാക്കിയിരുന്നു. തനിക്കെതിരായി ഉയര്‍ന്ന വ്യാജ ആരോപണങ്ങള്‍ നാണക്കേടുണ്ടാക്കെന്നും ഇനി ജീവിച്ചിരിക്കുന്നതില്‍ അര്‍ഥമില്ലെന്നും ഫെയ്സ്ബുക്ക് ലൈവില്‍ മഗന്‍ പറഞ്ഞു. തുടര്‍ന്നായിരുന്നു ആത്മഹത്യ. വിവരമറിഞ്ഞ് പ്രദേശവാസികള്‍ മഗനെ ആദ്യം അടുത്തുള്ള ആശുപത്രിയിലും തുടര്‍ന്ന് മീററ്റിലെ ആശുപത്രിയിലും പ്രവേശിപ്പിച്ചു. സംഭവം അറിഞ്ഞതോടെ മഗന്റെ മാതാപിതാക്കളും ആശുപത്രിയിലെത്തി. എന്നാല്‍ മീററ്റിലെ ആശുപത്രിയില്‍ ചികിത്സയിലിരിക്കേ ഇയാള്‍ മരിക്കുകയായിരുന്നു.കഴിഞ്ഞ ദിവസം മഗന്‍ ശര്‍മയുടെ ഗ്രാമത്തിലുള്ള ഒരു യുവതി അദ്ദേഹത്തിനെതിരേ പീഡനാരോപണം ഉന്നയിച്ചിരുന്നു. ഇത് നിഷേധിച്ച മഗന്‍ ശര്‍മയെ ഒരു സംഘം ആക്രമിക്കുകയും ചെയ്തിരുന്നു.