കൂട്ടബലാത്സംഗത്തിനുശേഷം 28 വര്‍ഷം; സഹോദരങ്ങളെ കുടുക്കിയത് ഡിഎന്‍എ

അയല്‍വാസിയുടെ പ്രായപൂര്‍ത്തിയാകാത്ത മകളെ കൂട്ടബലാത്സംഗം ചെയ്ത സഹോദരങ്ങള്‍ക്കുമേല്‍ 28 വര്‍ഷങ്ങള്‍ക്കുശേഷം കുറ്റംചുമത്തി. 1994 മുതല്‍ 1996 വരെ 12 വയസുണ്ടായിരുന്ന പെണ്‍കുട്ടിയെ സഹോദരങ്ങള്‍ ഇരുവരും ചൂഷണം ചെയ്യുകയായിരുന്നു. ഗര്‍ഭിണിയായ പെണ്‍കുട്ടി പിന്നീട് ഒരു കുഞ്ഞിനു ജന്മം നല്‍കിയെങ്കിലും നിര്‍ബന്ധപൂര്‍വം കുട്ടിയെ ഉപേക്ഷിക്കേണ്ടി വന്നു. യുപിയിലെ തന്നെ ഒരു ദമ്പതികളാണ് ഈ കുട്ടിയെ ദത്തെടുത്തത്. യുവതിക്കെതിരെ എഫ്‌ഐആര്‍ ഫയല്‍ ചെയത് സഹോദരങ്ങള്‍ ഭീഷണിപ്പെടുത്തുകയും ചെയ്തു. 2020ല്‍ യുവതി മകനെ കണ്ടെത്തി. തുടര്‍ന്ന് നീതിക്കുവേണ്ടി പോരാടാന്‍ തീരുമാനിക്കുകയായിരുന്നു. 28 വര്‍ഷങ്ങള്‍ക്കുശേഷം ഡിഎന്‍എ പരിശോധന നടത്തിയതിലൂടെയാണ് സഹോദരങ്ങളില്‍ ഒരാളാണ് പിതാവെന്ന് വ്യക്തമായത്.