പത്ത് വര്‍ഷത്തിലേറെ നീണ്ട അവിഹിത ബന്ധം അവസാനിപ്പിച്ചതിന്റെ പക….വിവാഹസമ്മാനം പൊട്ടിത്തെറിച്ച സംഭവം

ഗാന്ധിനഗര്‍:ഗുജറാത്തില്‍ വിവാഹസമ്മാനം പൊട്ടിത്തെറിച്ച സംഭവത്തില്‍ വധുവിന്റെ സഹോദരിയെ കൊല്ലാന്‍ ആയിരുന്നു സമ്മാനത്തില്‍ ബോംബ് വെച്ചതെന്ന് പ്രതി. വധുവിന്റെ സഹോദരിക്കാണ് ബോംബ് വെച്ച പാവ നല്‍കിയത്. ബോംബ് ആണെന്ന് തിരിച്ചറിയാതെ സഹോദരി അത് വിവാഹ സമ്മാനമായി നല്‍കി. വധുവിന്റെ സഹോദരിയുമായി പത്ത് വര്‍ഷത്തിലേറെ നീണ്ട ലിവ് ഇന്‍ റിലേഷന്‍ഷിപ്പിലായിയിരുന്നു പ്രതി രാജു പട്ടേല്‍. ഈ ബന്ധം അവസാനിപ്പിച്ചതിന്റെ പകയാണ് കൊലപാതക ശ്രമത്തിലേക്ക് നയിച്ചത്. ഗുജറാത്തിലെ നവസാരിയില്‍ ചൊവ്വാഴ്ചയാണ് വിവാഹ സമ്മാനമായി കിട്ടിയ പാവ പൊട്ടിത്തെറിച്ച് നവവരന് അതീവ ഗുരുതരമായി പരിക്കേറ്റത്. ഗുജറാത്തിലെ നവസാരി ജില്ലയിലാണ് വിവാഹ സമ്മാനമായി കിട്ടിയ പെട്ടി പൊളിക്കുമ്പോള്‍ പൊട്ടിത്തെറിച്ചത്. മെയ് 12നായിരുന്നു നവ് സാരിയിലെ മിത്താബാരി ഗ്രാമത്തില്‍ ലതീഷ് ഗാവിത്തിന്റെയും സല്‍മയുടേയും വിവാഹം നടന്നത്. എടുത്ത് വച്ചിരുന്ന സമ്മാനപ്പൊതികള്‍ പൊളിച്ച് നോക്കുന്നതിടെയാണ് കഴിഞ്ഞ ദിവസം ഉഗ്രശബ്ദത്തോടെ സ്‌ഫോടനം ഉണ്ടായത്. അപകടത്തില്‍ ലതീഷിന്റെ കൈപത്തി അറ്റുപോയി. കണ്ണിന് ഗുരുതരമായി പരിക്കേറ്റു. ദേഹമാസകലം പൊള്ളി. നവവരന്റെ സഹോദര പുത്രനായ മൂന്ന് വയസുകാരനും പൊട്ടിത്തെറിയില്‍ പരിക്കേറ്റു. പൊള്ളലിനൊപ്പം തലയ്ക്ക് ക്ഷതമേറ്റു. ഇരുവരെയും ഉടന്‍ ആശുപത്രിയിലേക്ക് മാറ്റി. ഒരു ടെഡ്ഡി ബെയറാണ് സമ്മാന പൊതിയില്‍ ഉണ്ടായിരുന്നത്. സല്‍മയുടെ സഹോദരിയുടെ മുന്‍ കാമുകനാണ് ഈ സമ്മാനം തന്നതെന്ന് ബന്ധുക്കള്‍ പറഞ്ഞു. ഇയാളുമായുള്ള ബന്ധം സഹോദരി രണ്ട് മാസങ്ങള്‍ക്ക് മുന്‍പ് അവസാനിപ്പിച്ചിരുന്നു. ഇതിലെ പകയാണ് സ്‌ഫോടകവസ്തു സമ്മാനമായി നല്‍കാനുള്ള കാരണമെന്ന് ബന്ധുക്കള്‍ ആരോപിച്ചു. സംഭവത്തില്‍ രാജു പട്ടേല്‍ എന്ന ആള്‍ക്കെതിരെ നവ്‌സാരിയിലെ വന്‍സ്ദ പൊലീസ് കൊലപാതകശ്രമത്തിന് കേസെടുത്തിട്ടുണ്ട്.