14 വയസ്സുകാരിയെ വിവാഹം കഴിക്കാന്‍ ശ്രമം; യുവാവും പെണ്‍കുട്ടിയുടെ അമ്മയും പിടിയില്‍

പ്രായപൂര്‍ത്തിയാകാത്ത പെണ്‍കുട്ടിയെ നിര്‍ബന്ധപൂര്‍വം വിവാഹം ചെയ്യാന്‍ ശ്രമിച്ചതിന് യുവാവും പെണ്‍കുട്ടിയുടെ അമ്മയും ഭര്‍ത്താവുമടക്കം നാല് പേര്‍ അറസ്റ്റില്‍. ഉത്തരാഖണ്ഡിലെ ഋഷികേശിലാണ് സംഭവം. 14 വയസ്സുകാരിയായ പെണ്‍കുട്ടിയെ 28 വയസ്സുകാരന് വിവാഹം നടത്താന്‍ ശ്രമിച്ചതിനാണ് അറസ്റ്റ് രേഖപ്പെടുത്തിയത്. മാനസാ ദേവി ക്ഷേത്രത്തിലാണ് വിവാഹം നടക്കാനിരുന്നത്. പെണ്‍കുട്ടിയുടെ പ്രായം കണക്കിലെടുത്തു വിവാഹം നടത്തിക്കൊടുക്കാന്‍ ക്ഷേത്ര പൂജാരി വിസമ്മതിച്ചു. എന്നാല്‍ പെണ്‍കുട്ടിയുടെ കഴുത്തില്‍ യുവാവ് നിര്‍ബന്ധപൂര്‍വം മാല ചാര്‍ത്തി. പെണ്‍കുട്ടിയുമായി കാറില്‍ പോകുമ്പോള്‍ പൊലീസ് സംഘം അറസ്റ്റ് ചെയ്യുകയായിരുന്നു. പെണ്‍കുട്ടിയെ രക്ഷപെടുത്തിയതായി പൊലീസ് അറിയിച്ചു.