ഗോവ മദ്യത്തിനും ലൈംഗികതയ്ക്കും പേരു കേട്ട സ്ഥലമെന്ന് അരവിന്ദ് കേജരിവാൾ,

ഗോവയെ അധിക്ഷേപിച്ച ഡൽഹി മുഖ്യമന്ത്രിയും ആം ആദ്മി പാർട്ടി നേതാവുമായ അരവിന്ദ് കേജരിവാളിനെതിരെ ബി ജെ പി പ്രവർത്തകർ രംഗത്ത്. ഗോവ ലൈംഗികതയ്ക്കും മദ്യത്തിനും മയക്കുമരുന്നിനും പ്രശസ്തിയാർന്ന സ്ഥലമാണെന്നായിരുന്നു അരവിന്ദ് കഴിഞ്ഞ ദിവസം നടന്ന റാലിയിൽ പറഞ്ഞത്. ഇതിനെതിരെയാണ് ഗോവ ബി ജെ പി ഘടകം രംഗത്തെത്തിയിരിക്കുന്നത്. ഗോവയെ അവഹേളിക്കുന്ന തരത്തിൽ നടത്തിയ പരാമർശം അരവിന്ദ് പിൻവലിക്കണമെന്നും പ്രസ്താവന നടത്തിയതിൽ മാപ്പ് പറയണമെന്നുമാണ് ബി ജെ പി ആവശ്യപ്പെട്ടത്. തെരഞ്ഞെടുപ്പ് പ്രചരണാർത്ഥം നടന്ന റാലിയിലായിരുന്നു കേജരിവാളിന്റെ വിവാദമായ പരാമർശം.