പ്രവാസി തൊഴിലാളികള്‍ക്കുള്ള പെന്‍ഷന്‍ പദ്ധതി ഇന്‍ഡ്യ നിര്‍ത്തലാക്കുന്നു.

പ്രവാസി തൊഴിലാളികള്‍ക്കു വേണ്ടി ഭാരത സര്‍ക്കാര്‍ 2012ല്‍ നടപ്പിലാക്കിയ പദ്ധതിയാണ് സര്‍ക്കാര്‍ നിര്‍ത്തലാക്കുന്നത്.പെന്‍ഷന്‍ പദ്ധതിയോടുള്ള തൊഴിലാളികളുടെ മോശം പ്രതികരണമാണ് പദ്ധതി നിര്‍ത്തലാക്കുന്നതിന് സര്‍ക്കാരിനെ പ്രേരിപ്പിച്ചത്.മഹാത്മാ ഗാന്ധി പ്രവാസി സുരക്ഷാ യോജന എന്ന പേരില്‍ നടപ്പിലാക്കിയ പെന്‍ഷന്‍ പദ്ധതിയില്‍ യു എ ഇ യില്‍ നിന്നുള്ള തൊഴിലാളികകളെയാണ് ആദ്യ ഘട്ടത്തില്‍ ഉള്‍പ്പെടുത്തിയിരുന്നത്.പിന്നീട് 16 രാജ്യങ്ങളിലേക്ക് തൊഴിലിനായി പോയവരെ ഉള്‍പ്പെടുത്തി പദ്ധതി വിപുലപ്പെടുത്തിയിരുന്നു. തൊഴിലാളികള്‍ക്ക് നാട്ടിലേക്ക് തിരികെ വരുമ്പോള്‍ പെന്‍ഷന്‍ ലഭ്യമാക്കുക,പ്രായമാകുമ്പോള്‍ പെന്‍ഷന്‍ ആനുകൂല്യം ലഭ്യമാക്കുക,ഇന്‍ഷുറന്‍സ് ആനുകൂല്യം ലഭ്യമാക്കുക എന്നിവയായിരുന്നു പദ്ധതിയിലുള്‍പ്പെടുത്തിയിരുന്നത്.എമിഗ്രേഷന്‍ ക്ലിയറന്‍സ് ആവശ്യമുള്ള 17 രാജ്യങ്ങളിലെ അഞ്ചു കോടിയോളം ഇന്‍ഡ്യന്‍ തൊഴിലാളികള്‍ക്ക് ആനുകൂല്യം ലഭ്യമാകുന്ന രീതിയിലാണ് മന്‍മോഹന്‍ സര്‍ക്കാര്‍ പദ്ധതി ആസൂത്രണം ചെയ്തിരുന്നത്.പത്താം ക്ലാസ് വിജയിക്കാത്തവര്‍ക്കാണ് ഇ സി ആര്‍ പാസ്‌പോര്‍ട് നല്‍കുന്നത്.