ഭരണത്തെ പരസ്യമായി വിമര്‍ശിച്ച സഹോദരനെ കിം ജോങ് ഉന്‍ വിഷം കുത്തി വെച്ചു കൊന്നു

ഉത്തര കൊറിയന്‍ ഏകാധിപതി കിം ജോങ് ഉന്‍ കുടുംബത്തില്‍ തന്നെ അടുത്ത കൊലപാതകം നടത്തിയതായി തെളിവുകള്‍ സഹിതം ദക്ഷിണ കൊറിയന്‍ മാധ്യമങ്ങള്‍ റിപ്പോര്‍ട്ട് ചെയ്തു. കിമ്മിന്റെ ഭരണത്തെ പരസ്യമായി വിമര്‍ശിക്കുകയും ജനാധിപത്യത്തിനായി വാദിക്കുകയും ചെയ്ത അര്‍ദ്ദ സഹോദരന്‍ കിം ജോങ് നാമിനെയാണ് വിഷം കുത്തിവെച്ച് കൊലപ്പെടുത്തിയത്. ക്വാലാലംപൂര്‍ വിമാനത്താവളത്തില്‍ വെച്ച് ഉത്തര കൊറിയയുടെ രണ്ടു ചാര സ്ത്രീകളാണ് നാമിനെ വിഷസൂചികള്‍ കൊണ്ട് കൊലപ്പെടുത്തിയത്. സംഭവത്തിന് ശേഷം സ്ത്രീകള്‍ ടാക്‌സിയില്‍ രക്ഷപ്പെടുന്ന വീഡിയോ ഉള്‍പ്പെടെ മാധ്യമങ്ങള്‍ പുറത്തു വിട്ടു. തന്നെ വിമര്‍ശിച്ച അമ്മാവന്‍ ചാങ് സോങ് തേയിയേയും 2013ല്‍ കിം ജോങ് ഉന്‍ കൊലപ്പെടുത്തിയിരുന്നു. തന്നെ എതിര്‍ക്കുന്നവരെ കൊലപ്പെടുത്തുന്നത് കിമ്മിന്റെ പതിവാണ്.