ഉത്തരകൊറിയന്‍ ഏകാധിപതിയുടെ അര്‍ദ്ധ സഹോദരന്റെ കൊലപാതകം,രണ്ടു വനിതകള്‍ പിടിയില്‍

ഉത്തരകൊറിയന്‍ ഏകാധിപതി കിം ജോങ് ഉന്നിന്റെ അര്‍ദ്ധ സഹോദരന്‍ കിം നാമിന്റെ കൊലപാതികകളെന്നു കരുതപ്പെടുന്ന രണ്ടു സ്ത്രീകളെയും മലേഷ്യന്‍ പൊലീസ് അറസ്റ്റു ചെയ്തു. വിയറ്റ്‌നാമം പാസ്‌പോര്‍ട് കൈവശമുണ്ടായിരുന്ന ആദ്യത്തെ യുവതിയെ കൃത്യം നടന്ന അതേ വിമാനത്താവളത്തില്‍ വെച്ചാണ് പൊലീസ് ബുധനാഴ്ച പിടികൂടിയത്.കൃത്യത്തില്‍ പങ്കാളിയെന്നു കരുതുന്ന രണ്ടാമത്തെ വനിതയെ പൊലീസ് പിടികൂടി.നാമിന്റെ പോസ്റ്റ്‌മോര്‍ടം റിപ്പോര്‍ട് വന്ന ശേഷമേ മറ്റ് നടപടികളുണ്ടാകൂ.പിടികൂടിയ രണ്ടു യുവതികളെയും ഏഴു ദിവസത്തേയ്ക്ക് പൊലീസ് കസ്റ്റഡിയില്‍ വിട്ടു. കൊല നടത്തിയ ശേഷം ഇരവരും രക്ഷപെടുന്ന വീഡിയോ ചാനലുകള്‍ പുറത്തുവിട്ടിരുന്നു. ക്വോലാലംപൂര്‍ വിമാനത്താവളത്തില്‍ വെച്ചാണ് ഇവര്‍ നാമിനെ വിഷ സൂചികള്‍ ഉപയോഗിച്ച് കൊലപ്പെടുത്തിയത്.ഉത്തരകൊറിയന്‍ ഭരണാധികാരിക്കു വേണ്ടി ചാര പ്രവര്‍ത്തനം നടത്തുന്ന വനിതകളാണ് ഈ കൃത്യം നടത്തിയതെന്നു കരുതുന്നതായി മലേഷ്യന്‍ പൊലീസ് ആരോപിച്ചു. കിം ജോങ് ഉന്നിന്റെ മനുഷ്യത്വ രഹിതായ ഭരണത്തെ വിമര്‍ശിച്ചതിനാണ് കൊല നടത്തിയതെന്നാണ് രാജ്യാന്തര വാര്‍ത്താ ഏജന്‍സികള്‍ പുറത്തു വിടുന്ന വിവരം.ഇതേ പോലെ തന്നെ ഭരണത്തെ വിമര്‍ശിച്ച അമ്മാവന്‍ ചാങ് സോങ് തേയിയെയും 2013 ല്‍ കിം കൊലപ്പെടുത്തി. തിങ്കളാഴ്ചയാണ് ക്വോലാലംപൂര്‍ വിമാനത്താവളം ഈ ക്രൂര കൃത്യത്തിന് സാക്ഷിയായത്.