ട്രോളര്‍മാരേ പേടിച്ച് നടനും സംവിധായകനുമായ ജോയ് മാത്യു തല്‍ക്കാലം പ്രതികരണങ്ങള്‍ നിര്‍ത്തുന്നു

എന്തിനേയും ഏതിനേയും പേടിക്കാത്ത നടനും സംവിധായകനുമായ ജോയ് മാത്യു ട്രോളര്‍മാരേ പേടിച്ച് തല്‍ക്കാലം സാമൂഹ്യമാധ്യമമായ ഫേസ് ബുക്കില്‍ സാമൂഹ്യ പ്രസക്തിയുള്ള വിഷയങ്ങളെ സംബന്ധിച്ച് പ്രതികരിക്കുന്നത് തല്‍ക്കാലം നിര്‍ത്തുന്നു.

അദ്ദേഹത്തിന്റെ ഫേസ് ബുക് പോസ്റ്റിന്റെ പൂര്‍ണരൂപം

പ്രതികരണങ്ങള്‍ക്ക് തല്‍ക്കാലം വിട ആദ്യമേ പറയട്ടെ പേടി എനിക്ക് പരിചയമില്ലാത്ത ഒന്നാണു എന്നാല്‍ 'ശല്യം 'എന്നത് എനിക്ക് സഹിക്കവയ്യാത്ത ഒന്നും. എഴുതുന്ന വിഷയങ്ങളില്‍ നിന്നും അവരവര്‍ക്ക് ആവശ്യമുള്ളത് മുറിച്ചെടുത്തു ട്രോളുകള്‍ ഉണ്ടാക്കി മറ്റുള്ളവരെ തെറ്റിദ്ധരിപ്പിക്കുന്ന ട്രൊളന്മാരെയും ഓണ്‍ലൈന്‍ പത്രക്കാരുടേയും ശല്യം സഹിക്കവയ്യാത്തതിനാല്‍ ഇനി ഒരറിയിപ്പുണ്ടാകുന്നതുവരെ എന്റെ ഫേസ് ബുക്ക് പ്രതികരണങ്ങള്‍ നിര്‍ത്തുന്നു ട്രോളന്മാര്‍ക്ക് ഉപയോഗിക്കാനായി ഒരു വാചകം കൂടി ഇവിടെ സമര്‍പ്പിക്കട്ടെ : ട്രോളന്മാരെപ്പേടിച്ച് ജോയ് മാത്യു ഓടിരക്ഷപ്പെട്ടു