‘സൂര്യകാന്തി’ സ്മാര്‍ട്ടായി വിരിഞ്ഞത് ദുബായില്‍

സൂര്യകാന്തി പൂവു പോലെ വിരിഞ്ഞ് സുന്ദരിയായി നില്‍ക്കുന്ന സ്മാര്‍ട് പൂവ്.ദുബായ് മുനിസിപ്പാലിറ്റിക്കു മുന്നിലാണ് പൂവിന്റെ രൂപത്തില്‍ സൗരോര്‍ജ്ജ ബാറ്ററി സ്ഥാപിച്ചിരിക്കുന്നത്.ദിവസം മുഴുവന്‍ സൂര്യപ്രകാശം ആഗീരണം ചെയ്യാന്‍ പാകത്തിലാണ് ഈ ബാറ്ററിയുടെ നിര്‍മ്മാണം.ഇത്തരത്തില്‍ നിര്‍മ്മിച്ചിരിക്കുന്ന ആദ്യ സൗരോര്‍ജ്ജ ബാറ്ററിയാണ് ഇത്.

പ്രമുഖ ഓസ്ട്രിയന്‍ കമ്പിനിയാണ് ഇത് രൂപകല്പന ചെയ്തിരിക്കുന്ത്.കെട്ടിടത്തിനു മുകളില്‍ സാധാരണയായി സ്ഥാപിച്ചു വരുന്ന സൗരോര്‍ജ്ജ ബാറ്ററിയേക്കാള്‍ നൂതന സാങ്കേതിക വിദ്യയിലും ശക്തിയിലുമാണ് ഇതിന്റെ നിര്‍മ്മാണമെന്ന് നിര്‍മ്മാതാക്കള്‍ അവകാശപ്പെടുന്നു.

ദുബായിലെ കടുത്ത ചൂടിനെ വെല്ലുന്ന രീതിയിലാണ് പുത്തന്‍ സൗരോര്‍ജ്ജ ബാറ്ററിയുടെ ക്രമീകരണം.കട്ടികൂടിയ സൂര്യ രശ്മികളെ സ്വയമേ കണ്ടെത്താവുന്ന സെന്‍സറുകളും ഇതില്‍ സ്ഥാപിച്ചിട്ടുണ്ട്.