യുഎസില്‍ വംശീയാധിക്ഷേപം രൂക്ഷമാകുന്നു : ഇന്‍ഡ്യന്‍ വംശജയോട്’ഇവിടെ നിന്നിറങ്ങിപ്പോകാന്‍..’,അമേരിക്കന്‍ പൗരന്റെ ആക്രോശം

അതിവേഗ ട്രെയിനില്‍ ഇന്‍ഡ്യന്‍ വംശജയായ പെണ്‍കുട്ടിയോട്'ഇവിടെ നിന്നിറങ്ങിപ്പോകാന്‍',കറുത്ത വര്‍ഗക്കാരനായ അമേരിക്കന്‍ പൗരന്‍ ആക്രോശിച്ചു.ഫെബ്രുവരി 23 നാണ് ഏക്താ ദേശായി എന്ന പെണ്‍കുട്ടിക്ക് ട്രെയിനില്‍ വെച്ച് വംശീയാധിക്ഷേപം സഹിക്കേണ്ടി വന്നത്.വോയ്‌സ് റെയ്‌സര്‍ എന്ന വെബ്‌സൈറ്റില്‍ സംഭവത്തിനിടയാക്കിയ വീഡിയോ പെണ്‍കുട്ടി പോസ്റ്റു ചെയ്തിരുന്നു.ഇതു പിന്നീട് വൈറലായി.

നൂറു കണക്കിനാളുകളോടൊപ്പം പെണ്‍കുട്ടി സഞ്ചരിച്ച ട്രെയിനിലാണ് ഇത്തരത്തിലൊരനുഭവം അവര്‍ക്ക് നേരിടേണ്ടി വന്നത്.കറുത്തവര്‍ഗ്ഗക്കാരനായ വ്യക്തി പെണ്‍കുട്ടിയോട് ആക്രോശിക്കുന്നതവള്‍ വീഡിയോയില്‍ പകര്‍ത്തിയിരുന്നു.ഇതയാളെ കൂടുതല്‍ പ്രകോപിപ്പിച്ചതായി പെണ്‍കുട്ടി പറഞ്ഞു.എന്നാല്‍ അവര്‍ തിരിച്ച് പ്രതികരിച്ചതേയില്ല.വീഡിയോ വൈറലായതോടെ നിരവധി വ്യക്തികള്‍ പെണ്‍കുട്ടിയ്ക്ക് പിന്തുണയുമായി എത്തി.

സംഭവത്തേക്കുറിച്ച് പോലീസില്‍ റിപ്പോര്‍ട് ചെയ്‌തെങ്കിലും മാനസീക പ്രശ്‌നമുള്ള വ്യക്തിയാണ് അയാള്‍ എന്ന രീതിയിലാണ് അവര്‍ പ്രതികരിച്ചത്.പിന്നീട് പെണ്‍കുട്ടി മനുഷ്യാവകാശ പ്രവര്‍ത്തകനായ കുന്ദന്‍ ശ്രീവാസ്തവയെ ബന്ധപ്പെടുന്നത്.പിന്നീട് അദ്ദേഹമാണ് വീഡിയോ'ദ വോയ്‌സ് റിസീവറില്‍'പോസ്റ്റ് ചെയ്യുന്നത്.തുടര്‍ന്ന് പെണ്‍കുട്ടിയെ അധിക്ഷേപിച്ച ഇയാളെ അറസ്റ്റ് ചെയ്ത് നാടിന്റെ മാനം രക്ഷിക്കാനും കുന്ദന്‍ ശ്രീവാസ്തവ യുഎസ് ഗവര്‍ണമെന്റിനോട് ആവശ്യപ്പെടുന്നു.ഇത്തരത്തില്‍ അപമര്യാദയായി പെരുമാറുന്നവര്‍ക്കെതിരെ പ്രവര്‍ത്തിക്കാനും ശ്രീവാസ്തവ അദ്ദേഹത്തിന്റെ വെബ്‌സൈറ്റിലൂടെ ആവശ്യപ്പെടുന്നു.

കനാസില്‍ യു എന്‍ജിനിയര്‍ വംശീയാധിക്ഷേപത്തിരയായി കൊല്ലപ്പെട്ടതിനെ തുടര്‍ന്ന് ഇത്തരത്തിലുള്ള സംഭവങ്ങള്‍ ആവര്‍ത്തിക്കുന്നത് ഇന്‍ഡ്യന്‍ വംശജരുള്‍പ്പടെയുള്ളവര്‍ക്ക് ഭീതിയുളവാക്കുന്നുണ്ട്.'എന്റെ രാജ്യത്തു നിന്നു പുറത്തു പോകാന്‍' ആക്രോശിച്ചു കൊണ്ടാണ് അന്ന് കൊലയാളി ഇന്‍ഡ്യന്‍ വംശജന് നേരേ വെടിയുതിര്‍ത്തത്.