യു.പിയില്‍ രാജ ഭയ്യയ്‌ക്കെതിരെ മത്സരിച്ച ബി.എസ്.പി അംഗം വെടിയേറ്റു മരിച്ചു

ഉത്തര്‍പ്രദേശിലെ സിറ്റിംഗ് എം.എല്‍.എ രാജ ഭയ്യയ്‌ക്കെതിരെ മത്സരിച്ച ബി.എസ്.പി അംഗം വെടിയേറ്റു മരിച്ചു. മൊഹദ് ഷാമി എന്നയാളാണ് ഞായറാഴ്ച രാത്രി ബൈക്കിലെത്തിയ അക്രമികളുടെ വെടിയേറ്റു മരിച്ചത്. അലഹബാദിലെ ഷാമിയുടെ വീടിനു സമീപത്തുനിന്നാണ് വെടിയേറ്റത്‌.

ആറു തവണയായി കുന്ദ മണ്ഡലത്തെ പ്രതിനിധീകരിക്കുന്ന സ്വതന്ത്ര എം.എല്‍.എയാണ് രാജ ഭയ്യ. ഡി.വൈ.എസ്.പി സിയ ഉള്‍ ഹഖിന്റെ കൊലപാതകത്തില്‍ ഗൂഢാലോചന കുറ്റം ചുമത്തിയതോടെ ഇയാള്‍ മന്ത്രിസ്ഥാനം രാജിവയ്ക്കുകയായിരുന്നു. ക്രിമിനല്‍ പശ്ചാത്തലമുള്ളയാളാണ് കൊല്ലപ്പെട്ട ഷാമിയും.