വിമാന യാത്രയ്ക്കിടെ ഹെഡ് ഫോണ്‍ പൊട്ടിത്തെറിച്ച് യുവതിയ്ക്കു പൊള്ളലേറ്റു

ഓസ്‌ട്രേലിയ:ബീജിംഗില്‍ നിന്ന് ഓസ്‌ട്രേലിയയിലേക്കുള്ള യാത്രയ്ക്കിടയിലാണ് ഹെഡ് ഫോണ്‍ പൊട്ടിത്തെറിച്ച് യുവതിയ്ക്കു പൊള്ളലേറ്റത്.വിമാനം പറന്നുയര്‍ന്ന് ഏതാണ്ട് രണ്ട് മണിക്കൂര്‍ പിന്നിട്ടപ്പോഴാണ് ഹെഡ്‌ഫോണ്‍ വലിയ ശബ്ദത്തോടെ പൊട്ടിത്തെറിച്ചത്.ഉടന്‍ തന്നെ ഹെഡ്‌ഫോണ്‍ ഉപയോഗിച്ചിരുന്ന ഓസ്‌ട്രേലിയന്‍ സ്വദേശിനി ഫോണ്‍ വലിച്ചെറിഞ്ഞു.എന്നാല്‍ അപകടസമയത്തു തന്നെ യുവതിയ്ക്ക് മുഖത്ത് പൊള്ളലേല്‍ക്കുകയും ഒരു വശത്തെ തലമുടി കത്തിക്കരിയുകയും ചെയ്തിരുന്നു.

ഇലക്‌ട്രോണിക്‌സ് ഉപകരണങ്ങള്‍ ഹാന്‍ഡ് ലഗേജില്‍ കരുതരുതെന്ന് നേരത്തേ ഓസ്‌ട്രേലിയന്‍ സുരക്ഷാ വിഭാഗം മുന്നറിയിപ്പ് നല്‍കിയിരുന്നതാണ്.അതിനു തൊട്ടു പിന്നാലെയാണ് വിമാനത്തിനുള്ളില്‍ ഹെഡ്‌ഫോണ്‍ പൊട്ടിത്തെറിച്ച് അപകടമുണ്ടായത്.എന്നാല്‍ അപകടത്തിനു ശേഷവും വിമാനം യാത്ര തുടര്‍ന്നു.