ഭഗത് സിങ്ങിന്റെത് നീതിയില്ലാത്ത കൊലപാതകം : ബ്രിട്ടീഷ് രാജ്ഞി മാപ്പു പറയണമെന്ന് പാക്കിസ്ഥാന്‍

ഇന്ത്യയുടെ അഭിമാനവും ധീരരക്തസാക്ഷിയുമായ ഭഗത് സിംഗ്, രാജ്ഗുരു, സുഖ്‌ദേവ് എന്നിവരുടെ രക്തസാക്ഷിത്വ ദിനത്തില്‍ ബ്രിട്ടീഷ് രാജ്ഞി മാപ്പു പറയണമെന്ന ആവശ്യവുമായി പാക്കിസ്ഥാന്‍. മൂന്ന് സ്വാതന്ത്ര്യസമര സേനാനികളുടെ 86 ാം ചരമദിനമായ വെള്ളിയാഴ്ചയാണ് ചരിത്രത്തിലെ നീതിയില്ലാത്ത കൊലപാതക ത്തില്‍ ബ്രിട്ടീഷ് രാജ്ഞി മാപ്പു പറയണമെന്ന് പാകിസ്താന്‍ പറഞ്ഞത്.

ലാഹോറിലെ ഫവാരാ ചൗക്കിലെ ഭഗത് സിംഗ് മെമ്മോറിയല്‍ ഫൗണ്ടേഷനില്‍ നടന്ന ചടങ്ങിലാണ് ഇക്കാര്യം ആവശ്യപ്പെട്ടത്. വന്‍ സുരക്ഷയുടെ പശ്ചാത്തലത്തില്‍ അനേകര്‍ പങ്കെടുത്ത ചടങ്ങില്‍ ഷദ്മാന്‍ ചൗക്ക് ബ്രിട്ടീഷ് രാജ്ഞി സന്ദര്‍ശിക്കണം എന്നും മൂന്ന് പേരെയും വധിച്ചതിന് പൊതുമാപ്പ് പറയണമെന്നും ആവശ്യപ്പെട്ടിട്ടുണ്ട്. ഇന്ത്യയോടും പാകിസ്താനോടും സ്വാതന്ത്ര്യസമര സേനാനികളുടെ കുടുംബത്തോടും രാജ്ഞി മാപ്പു പറയണമെന്നും ചെയ്ത തെറ്റിന് മതിയായ നഷ്ടപരിഹാരം നല്‍കണം എന്നും പറഞ്ഞിട്ടുണ്ട്. 1931 മാര്‍ച്ച് 23 നായിരുന്നു മൂവരേയും ബ്രിട്ടീഷുകാര്‍ തൂക്കിലേറ്റിയത്.