നിയമസഭ തെരഞ്ഞെടുപ്പ് : പവന്‍ കല്യാണുമായി വീണ്ടും യോജിക്കാന്‍ തയ്യാറെടുത്ത് ബിജെപി

തെലുഗ് സൂപ്പര്‍താരം പവന്‍ കല്യാണുമായി വീണ്ടും യോജിക്കാന്‍ തയ്യാറെടുത്ത് ബിജെപി. നിയമസഭ തെരഞ്ഞെടുപ്പ് മുന്നില്‍ കണ്ടാണ് ആന്ധ്രപ്രദേശില്‍ കല്യാണിന്റെ പാര്‍ട്ടിയായ ജനസേനപാര്‍ട്ടിക്ക് കാര്യമായ സ്വാധീനം ഉണ്ടാക്കാന്‍ സാധിക്കുമെന്നാണ് ഇവര്‍ കരുതുന്നത്. സംസ്ഥാന അധ്യക്ഷന്‍ കെ ഹരിബാബുവാണ് ഇക്കാര്യം മാധ്യമങ്ങളെ അറിയിച്ചത്. ജനസേനയോട് അകലാന്‍ ബിജെപിക്ക് നീക്കമില്ലെന്ന് ഹരിബാബുവ്യക്തമാക്കി. പവന്‍ കല്യാണ്‍ പറഞ്ഞാല്‍ ഇക്കാര്യം തങ്ങള്‍ ചിന്തിക്കുമെന്നും പാര്‍ട്ടി അധ്യക്ഷന്‍ അറിയിച്ചു.

ബിജെപിക്ക് ആന്ധ്രയിലുള്ള 46,000ത്തിലധികം ബൂത്തുതല സമിതികള്‍ ശക്തമാക്കണമെന്ന് ആന്ധ്രയുടെ മേല്‍നോട്ടം നിര്‍വ്വഹിക്കുന്ന സിദ്ധാര്‍ഥ് നാഥ് സിങ്ങ് പറഞ്ഞു. യുപിയിലെ അടക്കം മുന്നേറ്റം മാതൃകയാക്കണമെന്നും അദ്ദേഹം പറഞ്ഞു. ആന്ധ്രകൂടി ബിജെപി വരുതിയില്‍ വരുത്തിയാല്‍ രാജ്യത്തെ പ്രധാന സംസ്ഥാനങ്ങള്‍ എല്ലാം തന്നെ ബിജെപി ഭരണത്തിലേക്ക് എത്തും. മുന്‍പ് പാര്‍ലമെന്റ് തെരഞ്ഞെടുപ്പിന് തൊട്ടുമുന്‍പാണ് ജനസേന പാര്‍ട്ടി രൂപീകരിച്ചത്. രൂപീകരണം മുതല്‍ കാര്യമായ മുന്നേറ്റം കാഴ്ചവയ്ക്കുവാന്‍ ഇവര്‍ക്ക് സാധിച്ചിരുന്നു.