സെന്റ് പീറ്റേഴ്‌സ്ബര്‍ഗിലെ മെട്രോ ട്രെയിനിലുണ്ടായ സ്‌ഫോടനത്തിന് പിന്നില്‍ ഐഎസ് എന്ന് റിപ്പോര്‍ട്ട്

സെന്റ് പീറ്റേഴ്‌സ്ബര്‍ഗിലെ മെട്രോ ട്രെയിനിലുണ്ടായ സ്‌ഫോടനത്തിന് പിന്നില്‍ ഐഎസ് അനുഭാവിയായ റഷ്യന്‍ യുവാവാണെന്ന് റിപ്പോര്‍ട്ട്. പഴയ സോവിയറ്റ് റിപ്പബ്ലിക് ഓഫ് കിര്‍ഗിസ്ഥാനില്‍ ജനിച്ച റഷ്യന്‍ പൗരനായ അക്ബര്‍സഹോന്‍ ദലഹലോവ് എന്ന ചാവേറാണെന്ന് അക്രമിയെന്നും റഷ്യന്‍ അന്വേഷണ സംഘത്തിന്റെ കണ്ടെത്തല്‍. സ്‌ഫോടനത്തില്‍ ചിതറിത്തെറിച്ച ശരീരങ്ങളുടെ കൂട്ടത്തില്‍ നിന്നും ഇയാളുടെ മൃതദേഹാവശിഷ്ടം ലഭിച്ചിട്ടുണ്ടെന്നാണ് വിവരം.

കഴിഞ്ഞ ദിവസമുണ്ടായ സ്‌ഫോടനത്തില്‍ 14 പേരാണ് കൊല്ലപ്പെട്ടത്. മൂന്നിടങ്ങളിലാണ് ബോംബ് സ്‌ഫോടനം നടത്തുവാന്‍ പദ്ധതിയിട്ടിരുന്നത്. എന്നാല്‍ ആദ്യ സ്‌ഫോടനം നടത്തി മണിക്കൂറുകള്‍ക്കകം മറ്റൊരു മെട്രോ സ്‌റ്റേഷനില്‍ നിന്നും സുരക്ഷാഉദ്യോഗസ്ഥര്‍ ബോംബ് നിര്‍വീര്യമാക്കിയിരുന്നു.