ജിഷ്ണുവിന്റെ മരണം : യുവജന സംഘടനാ പ്രവര്‍ത്തകരോട് ആക്രോശിച്ച്‌ ഐജി മനോജ് എബ്രഹാം

പോലീസ് മര്‍ദ്ദനത്തിന് ഇരയായ ജിഷ്ണുവിന്റെ അമ്മ മഹിജയെ കാണാന്‍ ആശുപത്രിയില്‍ എത്തിയ ഐജി മനോജ് എബ്രഹാം തന്റെ നേര്‍ക്ക് പ്രതിഷേധവുമായി എത്തിയ യുവജന സംഘടനാ പ്രവര്‍ത്തകരോട് തട്ടിക്കയറി. ഐജിയെ ആശുപത്രി കവാടത്തിന് മുന്നില്‍ തടഞ്ഞ പ്രവര്‍ത്തകരോട് കണ്ണുരുട്ടിക്കൊണ്ടാണ്‌ മിണ്ടിപ്പോകരുതെന്ന് ഐജി ആക്രോശിച്ചത്.

കെ.എസ്.യു. ഉള്‍പ്പെടെയുള്ള വിദ്യാര്‍ത്ഥി സംഘടനകളാണ് പ്രതിഷേധവുമായി എത്തിയത്. പോലീസിന്റെ നടപടി നിയമപരമായിട്ടാണെന്നും എന്നാല്‍ പോലീസ് ആസ്ഥാനത്തേയ്ക്ക് ജാഥ അനുവദിക്കില്ലെന്നും ഐജി പറഞ്ഞു. ഡിജിപി യെ എല്ലാവര്‍ക്കും കാണാനുള്ള അനുവാദമുണ്ട്. അതേസമയം ജിഷ്ണുവിന്റെ മരണത്തിനെ സംബന്ധിച്ച നിയമനടപടികളെ കുറിച്ച് മാധ്യമപ്രവര്‍ത്തകര്‍ ചോദ്യം ഉന്നയിച്ചപ്പോള്‍ അത് തന്റെ നിയമപരിധിയില്‍ വരുന്നതല്ലെന്ന് ഐജി തുറന്നടിച്ചു.