ഫോണ്‍ വിവാദം : എ കെ ശശീന്ദ്രനെതിരെ പരാതിയുമായി യുവ മാധ്യമപ്രവര്‍ത്തക

മുന്‍ മന്ത്രി എകെ ശശീന്ദ്രനെതിരെ പരാതിയുമായി മാധ്യമ പ്രവര്‍ത്തക രംഗത്ത്. ശശീന്ദ്രന്‍ അശ്ലീല സംഭാഷണം നടത്തിയെന്ന് പറയുന്ന യുവ മാധ്യമ പ്രവര്‍ത്തകയാണ് ഇപ്പോള്‍ പരാതിയുമായി എത്തിയിരിക്കുന്നത്. ഫോണ്‍ വിളിയുമായി ബന്ധപ്പെട്ട് ക്രൈം ബ്രാഞ്ച് രജിസ്റ്റര്‍ ചെയ്ത കേസിലെ പ്രതികൂടിയാണ് ഈ പരാതിക്കാരി‍.

ശശീന്ദ്രന്‍ തന്നെ നിരന്തരം ശല്യം ചെയ്തിരുന്നുവെന്നും തന്റെ സമ്മതത്തോടെയല്ല അയാള്‍ അശ്ലീല സംഭാഷണം നടത്തിയതെന്നുമാണ് പരാതിയില്‍ പറയുന്നത്. തിരുവനന്തപുരം സിജെഎം കോടതിയിലാണ് മാധ്യമ പ്രവര്‍ത്തക പരാതി നല്‍കിയത്. മാധ്യമപ്രവർത്തകയുടെ മൊഴി കോടതി രേഖപ്പെടുത്തിയതായാണ് വിവരം.