മലാല യൂസഫ്‌സായ് ഐക്യരാഷ്ട്ര സഭ സമാധാന വക്താവ്

ഐക്യരാഷ്ട്ര സഭാ സമാധാന വക്താവായി നൊബേല്‍ സമ്മാന ജേതാവ് മലാല യൂസഫ്‌സായ്‌യെ തിരഞ്ഞെടുത്തു. യുഎന്‍ സെക്രട്ടറി ജനറല്‍ അന്റോണിയോ ഗുട്ടറസ് ആണ് മലാലയെ തിരഞ്ഞെടുത്തത്. പെണ്‍കുട്ടിയുടെ വിദ്യാഭ്യാസത്തിന്റെ പ്രസക്തി ആഗോള വ്യാപകമായി ബോധവത്കരണം നടത്തുകയാണ് മലാലയുടെ നിയമനത്തിലൂടെ യുഎന്‍ ലക്ഷ്യമിടുന്നത്. ഇക്കാര്യം ഔദ്യോഗികമായി നാളെ പ്രഖ്യാപിക്കും.

പാക്കിസ്ഥാനിലെ പെണ്‍കുട്ടികളുടെ വിദ്യാഭ്യാസ അവകാശത്തിനായി പ്രവര്‍ത്തിക്കുന്ന വിദ്യാഭ്യാസ പ്രവര്‍ത്തകയാണ് മലാല യൂസഫ്‌സായ്. ടൈംസ് പുറത്തുവിട്ട ഏറ്റവും സ്വാധീനശക്തിയുള്ള നൂറുപേരില്‍ ഒരാളായിരുന്നു മലാല.