ഷാര്‍ജയില്‍ തീപിടുത്തം,മലയാളി ഉള്‍പ്പടെ രണ്ടു മരണം

ഷാര്‍ജ റോള അല്‍ അറൂബ സ്ട്രീറ്റില്‍ ബഹുനില റെസിഡന്‍ഷ്യല്‍ കെട്ടിടത്തിലെ സൂപ്പര്‍മാര്‍ക്കറ്റിലുണ്ടായ തീ പിടിത്തത്തില്‍ മലയാളി ഉള്‍പ്പെടെ രണ്ടു പേര്‍ മരിച്ചു. മലപ്പുറം സ്വദേശി ദീപന്‍ കണ്ണന്തറ (27) , ബംഗ്‌ളദേശ് സ്വദേശി മുഹമ്മദ് ഇമോന്‍ എന്നിവരാണു തീപിടിത്തത്തെ തുടര്‍ന്നുണ്ടായ പുക ശ്വസിച്ചു മരിച്ചത്. ഇരുവരുടെയും മൃതദേഹങ്ങള്‍ ഷാര്‍ജ കുവൈത്തി ആശുപത്രിയില്‍ സൂക്ഷിച്ചിരിക്കുകയാണ്. ഷാര്‍ജയില്‍ ക്യാഷ്യര്‍ ആയി ജോലി നോക്കുകയായിരുന്നു ദീപന്‍. തീപിടിത്തില്‍ അഞ്ച് പേര്‍ക്ക് പരുക്കേല്‍ക്കുകയും ചെയ്തു. ഇന്ന്(ശനി) പുലര്‍ച്ചെ ഒന്നോടെയായിരുന്നു അഗ്‌നിബാധ.