ജിഷ്ണു കേസില്‍ സിപിഎമ്മിന് വീഴ്ച പറ്റിയിട്ടില്ലെന്ന് കൊടിയേരി

ജിഷ്ണു കേസില്‍ വീഴ്ചയുണ്ടായിട്ടില്ലെന്ന് സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍. മഹിജയുടെ സമരം ആവശ്യമില്ലായിരുന്നു. ഡി.ജി.പി ഓഫീസിനു മുന്നില്‍ സമരം നയിക്കുന്നതിനു പകരം പ്രശ്‌നങ്ങള്‍ മുഖ്യമന്ത്രിയുടെ ശ്രദ്ധയില്‍ പെടുത്തി പരിഹരിക്കാമായിരുന്നു. ഡി.ജി.പി ഓഫീസ് അതീവ സുരക്ഷാ മേഖലയായി പ്രഖ്യാപിച്ചത് എ.കെ.ആന്റണിയുടെ കാലത്താണ്. അവിടെ സമരം ചെയ്യാന്‍ വന്നാല്‍ പൊലീസ് പിടിച്ചു മാറ്റും. മഹിജയുടെ സമരത്തെ കുറിച്ച് സര്‍ക്കാറിന് നോട്ടീസൊന്നും ലഭിക്കാത്തതിനാല്‍ സര്‍ക്കാര്‍ ഒരു നിലപാടും അതില്‍ സ്വീകരിച്ചിരുന്നില്ല. അതിനാല്‍ സമരം നടത്താനെത്തിയപ്പോള്‍ പൊലീസുകാര്‍ അവരെ ബലം പ്രയോഗിച്ച് നീക്കി. മര്‍ദ്ദിച്ചതായൊന്നും ദൃശ്യങ്ങളിലില്ല. എന്നിട്ടും മര്‍ദ്ദിച്ചുെവന്ന മഹിജയുെട പരാതിയില്‍ അന്വേഷണത്തിന് ഉത്തരവിട്ടിട്ടുണ്ടെന്നും കോടിയേരി അറിയിച്ചു.

ജിഷ്ണു കേസില്‍ പ്രതികളെ പൊലീസ് പിടികൂടിയിട്ടും ജാമ്യം നല്‍കുന്നത് ഹൈകോടതിയാണ്. കോടതി എന്തുകൊണ്ടാണ് ഇത്തരം നടപടി സ്വീകരിക്കുന്നെതന്നറിയില്ല. െഹെകോടതി നടപടിക്കെതിരെ സുപ്രീം കോടതി വരെ സര്‍ക്കാര്‍ പോയിട്ടുണ്ട്. എന്നാല്‍ സുപ്രീം കോടതിയും െഹെകോടതി നടപടി ശരിവെക്കുകയാണ്. കോടതികളുെട പ്രവര്‍ത്തിക്ക് സര്‍ക്കാറിനെ കുറ്റം പറഞ്ഞിട്ട് എന്തുകാര്യമെന്നും കോടിയേരി ചോദിച്ചു.